Zahiriddin muhammad bobur nomli andijon davlat universiteti ijtimoiy fanlar kafedrasi

Tabiiy qadriyatlar - yer va yer osti boyliklari, suv, havo, o’rmonlar, o’simliklar,
Tasodif - mohiyatdan, mazkur jarayonning qonuniy rivojlanishidan kelib chiqmaydigan, kelib chiqishi kutilmaydigan hodisa.
Tabu – biron-bir narsa, harakat, so’zga nisbatan belgilanadigan diniy taqiq.
Teologiya – diniy ta’limotlar tizimi.
Teotsentrizm – dunyoni tushunish markaziga Xudoni qo’yuvchi falsafiy yondashuv.
Texnogen – texnika bilan bog’liq, uning ta’siri bilan belgilangan.
Texnokratik – texnikani birinchi o’ringa qo’yuvchi.
Texnooptimizm – turli muammolarni yechishda fan-texnika taraqqiyotining rolini oshirib ko’rsatuvchi falsafiy yondashuv.
Texnopessimizm – fan-texnika taraqqiyotini jamiyat va tabiat tanazzulining manbai va omili deb e’lon qiluvchi falsafiy yondashuv.
Texnotron jamiyat – kompyuter inqilobi bosqichiga kirgan jamiyat.
Transtsendental – o’ta umumiy.
Ulug’bek (1394-1449)- buyuk astronom, davlat arbobi. U Samarqandda jahonga mashhur rasadxonani, yirik dorulfunun - madrasani qurdirgan. "Ziji jadidi Ko’ragoniy", "Risolai Ulug’bek" kabi astronomik asarlar, "Tarixi ulus arba’a", "Shajarai atrok" tarixiy asarlarini yozgan. "Ziji"da 1018 yulduzning koordinatlari, ularning yulduzlar to’plamidagi holati va harakatlari kabilar aniqlangan.
Umumiylik - obyektiv reallikning barcha yoki bir qancha narsa yoki hodisalaridagi mavjud bo’lgan tomonlar, xossalar va belgilar majmui, ular o’rtasidagi aloqa va munosabatlarning o’xshashligi.
Urug’ - qon-qarindoshlikka asoslangan ijtimoiy, etnik guruh.
Umuminsoniy g’oyalar - o’z mohiyati va miqyosiga ko’ra bashariyatning ongi va qalbini egallagan, dunyodagi barcha odamlar va har bir xalq uchun eng yuksak g’oyalar.
Universum – yagona Olam, yaxlit dunyo.
"Veda" - hindlarning eramizdan bir yarim ming yil avval yozilgan muqaddas ilm va bashorat kitobidir. Hindular "Veda"ni oliy tangri Braxma tomonidan aytilgan so’zlar, deb biladi. "Veda'" da hindularning qadimgi tarixi, iqtisodi, dini, falsafasi, axloq va nafosatiga oid fikrlar ifodalangan ("Rigveda", "Samaveda", "YAjurveda", "Adxarvaveda").