Zahiriddin muhammad bobur nomli andijon davlat universiteti ijtimoiy fanlar kafedrasi

Sakral – muqaddas.
Sun’iy tabiat - insonning amaliy faoliyati natijasida yaratilgan tabiat.
Sensualizm – hissiy bilishning rolini oqilona bilishning ahamiyatidan ustunroq qo’yuvchi falsafiy yo’nalish.
Simvol – biron-bir g’oyani ifodalovchi belgi, obraz.
Sinkretizm - qismlarga ajralmaganlik, biron-bir hodisaning noraso holati bilan belgilanadigan har xil jinsli elementlarning aralashuvi.
Skeptitsizm – inson bilimining ishonchliligiga shubha bildiruvchi va barcha haqiqatlarni nisbiy deb e’lon qiluvchi falsafiy kontseptsiya.
Stereotip – ko’pincha jamiyat tomonidan faol ilgari suriladigan va individ tanqidsiz qabul qiladigan borliqning nisbatan barqaror va soddalashtirilgan obrazi.
Substantsiya – birinchi asos, barcha narsalar va hodisalarning mohiyati.
Stsientizm – madaniyat tizimida, jamiyat hayotida fan rolini mutlaqlashtirish.
"Tavrot" - yaxudiylarning milliy mafkurasini aks ettirgan diniy-falsafiy kitob. Eramizdan avvalgi 2 minginchi yillarda shakllana boshlagan, Buddaviylikning bu muqaddas kitobida Muso alayhissalom-payg’ambar, "Tavrot" xudo tomonidan yuborilgan ilohiy kitob ekani, u dunyo, jannat va do’zah haqidagi va boshqa qarashlar ilgari surilgan.
Tasavvuf - diniy - falsafiy oqim, ma’naviy-ma’rifiy hodisa (VII asr oxiri). Islom dini doirasida paydo bo’lgan tasavvuf uchun vaxdoniyat-Ollohning birligi, olamning nurdan bosqichma-bosqich paydo bo’lganligi, fano bo’lish, orif shaxsning Olloh bilan ruhan qo’shilib ketishi g’oyalari xos. So’fiylikning bosqichlari shariat, tariqat, ma’rifat, haqiqat. Tasavvufda komil inson g’oyasi bosh mavzu deyish mumkin.
Tasavvuf tariqatlari (oqimlari)-20ga yaqin sanaladi. Hozirgi O’zbekistonda shakllangan va musulmon olamida keng tarqalgan tariqatlar yassaviya (asoschi Hoja Ahmad YAssaviy, vaf. 1166 yil), qubraviya (asoschisi Najmiddin Qubro, 1154-1226 y.y.), naqshbandiya (asoschisi Bahouddin Naqshband, 1318-1389 y.y.) dir.
“Temur tuzuklari” - podsholarning turish-turmushi va axloq-odob me’yorlarini belgilovchi risoladir. Asar ikki qismdan iborat. Birinchi qismida Amir Temurning yetti yoshidan to vafotiga qadar kechgan hayoti va ijtimoiy- siyosiy faoliyati, harbiy yurishlari bayon etilsa, ikkinchi qismida Jahongirning toju taxt vorislariga atalgan o’ziga xos vasiyati va pand-nasihatlaridan iborat.