З. М. Бобур номли

Эстетик тарбия услублар. Жисмоний тарбия жараёнида мақсадга қаратилган эстетик дид, эхтиёж, интилиш, кўникма ва одатларни болалик ёшидан бошлаб тарбиялаб бориш лозим. Бунга эстетик тарбия услублари ёрдамида эришилади. Эстетик тарбия услубларини эса учта асосий группага умумлаштириш мумкин.
1. Жисмоний машқларни жонли, равшан ва ифодали тушунтириш, ҳаракат фоалияти хақида образли қилиб сўзлаб бериш, шуғулланувчиларнинг ҳаракатларини, ишлари ва хулқ-атворларини эстетик баҳолаш.
2. Жисмоний машқларни техник жихатдан мукаммал ва ифодали қилиб кўрсатиш, хатти-ҳаракат ва ишда илхомлантирувчи намуна кўрсатиш.
3. Ҳаракат фаолиятида ижодийлик кўрсатишни амалда ўргатиш. Шуғулланувчиларни болаликдан бошлаб кучи етадиган ҳаракатлар вазифаларини мустақил равишда ҳал этишга одатлантириб бориш зарур.
МЕҲНАТ ТАРБИЯСИ. Меҳнат тарбияси системасида ҳилма-хил меҳнат турларидан фойдаланилади, қуйидаги меҳнат турлари бевосита жисмоний тарбия билан боғлиқликда қўлланилади:
1. Шуғулланувчилар ҳаракат тажрибаларини эгаллаш ва жисмоний қобилиятларини такомиллаштиришда ўқув меҳнати.
2. Жисмоний машқ қилишга доир амалий машғулотларда оддий меҳнат жараёнлари.
3. Жисмоний тарбия машғулотларидан ташқари вақтларда, ижтимоий фойдали меҳнат.
4. Қишлоқ хўжалигида, саноатда, аҳолига хизмат кўрсатиш сохасидаги унумли меҳнат.
Меҳнат тарбиясининг вазифалари учта асосий вазифани ҳал этади.

1. 
   Меҳнат кўникма ва малакаларини эгаллаш
   
2. 
   Меҳнатсеварликни тарбиялаш.
   
3. 
   Меҳнатга инсонийлик муносабатларини шакллантириш.
   

Меҳнат тарбиясининг вазифалари шуғулланувчилар таркиби ва уларнинг тарбиялаш шароитларига мувофиқ ҳолда ҳал этилади.
Меҳнат тарбиясининг воситалари. Меҳнат қилиш малакаси, меҳнатга мухаббат меҳнат жараёнларида таркиб топади. Шунинг учун олдин кўрсатиб ўтилган меҳнат турларининг ҳаммаси меҳнат тарбиясининг воситаларидир. Уларнинг ҳар бири шуғулланувчиларнинг кучи етадиган ва шу билан бирга уларнинг ёши, жисмоний тайёр эканлиги ҳамда онг даражасига мос ҳолда мураккаб бўлиш керак.