З. М. Бобур номли

Амалга оширилган ишлар
Педагогик амалиёт жараёнларида коллежда ташкил этилган жисмоний тарбия спорт ва соғломлаштириш тадбирларининг мақсад вазифалари, турлари ҳамда шакллари ўрганилди. Жисмоний тарбия дарслари ва танаффусдаги ҳаракатли ўйинларда жисмоний ривожлантириш, ҳаракатларга ўргатиш, ҳаракат малака ва кўникмаларини шакллантириш масалаларини амалга оширилиши таҳлил этилди. Спорт тўгаракларидаги машғулотларда ўқувчиларни спорт турлари бўйича ихтисосликларга эриштириш, мусобақаларда юксак натижаларга эришишга интилиш, ёшлар ўртасида спорт тадбирларини оммавийлаштириш жараёнлари ўрганилди.
Соғломлаштириш тадбирлари ҳисобланган эрталабки бадантарбия машғулотларини организмга соғломлаштирувчи таъсирини ўрганиш, туризм машғулотлари ва саёҳатларда, табиат омиллари ёрдамида организмни чиниқтириш масалалари таҳлил этилди. Табиат омиллар сув, қуёш ва ҳаво таъсирида чиниқтириш муолажалари қабул қилиш қоидалари, жисмоний тарбия ва спорт билан шуғулланишда шахсий ва жамоа гигиенаси талабларига риоя қилиш ҳамда соғлом турмуш тарзи қоидаларига риоя қилиш талаблари ўрганилди.
Ўқувчилар билан жисмоний тарбия ва спортни организмга соғломлаштирувчи таъсирлари ҳақида суҳбатлар ўтказилди. Чиниқтириш муолажаларидан мунтазам фойдаланиш уларнинг самарали таъсири саёҳатлар ва сайрлар давомида катта бўлиши кўрсатиб ўтилди.
Соғлом турмуш тарзи бўйича ўтказилган суҳбатлар ва машғулотларда ўтказилган тадбирларда жисмоний тарбия ва спорт билан билан мустақил шуғулланиш талаблари, тўғри овқатланиш, парҳез тутиш, сифатли озиқ-овқатлардан фойдаланиш, мароқли дам олиш қоидалари тушунтириб ўтилди. Шунингдек спиртли ичимлик ичиш, гиёҳванд моддалар қабул қилиш, тамаки чекиш, кам ҳаракатлилик ҳамда спорт машғулотларида шифокор рухсатисиз дори воситаларидан фойдаланишнинг зарарли таъсирлари таърифланди. Шахсий ва жамоат гигиенаси талаблари бўлган яшаш жойлари, ўқув хоналари ва спорт билан шуғулланадиган зал ва майдонлар, жиҳоз ва ускуналар саранжом саришта, яроқли бўлишини таъминлаш, спорт билан шуғулланишда спорт кийимларини, пойафзални тоза бўлиши, мунтазам душ ва хаммом қабул қилиш, танани парвариш қилиш ва соғлом тутиш қоидалари ўргатилди.