Z. D. Rasulova, Sh. H. Quliyeva, A. R. Jo‘rayev texnologiya fanini o‘qitish metodikasi

33.4. O‘qituvchining jamoaviy metodik ishlari. Ochiq darslarni o‘tkazish 
Ilmiy pedagogik kengash – 
o‘quv muassasasining
 
doimiy faoliyat 
yuritadigan jamoa organi bo‘lib, o‘quv-tariyaviy jarayonlari va metodik ishlarni 
takomillashtirishning muhim masalalarini muhokama etadigan va qaror qabul 
qiluvchi kengashdir. 
Kengashning asosiy uslubiy funkstiyasi: o‘quv muassasasida uslubiy ishlarni 
takomillashtirish bo‘yicha asoslangan tavsiyalar qabul qilish; uslubiy komissiya 
rejalarini muhokama qilish, kasbiy malakalarni oshirish ish rejalarini tasdiqlash va 
hokazolar. 
Kasb-hunar kollej rahbari - ilmiy pedagogik kengashning doimiy raisi 
hisoblanadi. Rahbar bo‘lmagan vaqtlarda ilmiy pedagog ilmiy pedagog kengash 
yig‘ilishlarini o‘quv ishlari bo‘yicha rahbar o‘rinbosari tashkil qiladi. Ushbu 
kengash 1 oyda bir marta chaqiriladi. 
Pedagogik kengash qarorlarining bajarilishi ustidan nazorat qilish kengash 
raisiga yuklanadi. U bor ishni shaxsan o‘zi bajaradi yoki kengash a’zolaridan 
biriga topshiradi. Kasb-hunar kollejning pedagogik kengashlari bo‘lg‘usi kichik 
mutaxassislarni tayyorlash va ularni tarbiyalash bilan bog‘liq juda ko‘p xilma-xil 
masalalarni ko‘rib chiqadilar. 
Ilmiy pedagogik kengash tarkibiga barcha o‘qituvchilar va muhandis-
pedagoglar doimiy a’zo qilib kiritiladi. Bundan tashqari, homiy va vaiy tashkilot 
vakillari (institut, korxona, zavod va fabrikatlar bilan shartnomalari bo‘lsa, o‘sha 

---

349 
tashkilotning vakillari) kiritiladi. Ularning hammasi kengash ishida faol ishtirok 
etadilar. 
Vaqti-vaqti bilan o‘qituvchilarning o‘qitishning yangi metodlari va shakllarini 
hamda ta’lim vositalarini o‘quv jarayoniga joriy qilinganligi bo‘yicha eng yaxshi 
o‘qituvchi va muhandis-pedagoglar hisobotlarini eshitish, muhokama qilish hamda 
boshqa ta’lim muassasalari ish tajribalarini o‘rganish kabi va boshqa ishlar amalga 
oshiriladi.