Z. D. Rasulova, Sh. H. Quliyeva, A. R. Jo‘rayev texnologiya fanini o‘qitish metodikasi

Ilmiy-amaliy konferensiyalar
- ta’lim-tarbiya jarayonini, uslubiy ishlarni 
tashkil etishda ko‘pgina yangi masalalar paydo bo‘ladiki, ularni o‘rganish, bir 
tizimga keltirish va umumlashtirish talab etiladi. 
Ilg‘or tajriba maktablari – 
ilg‘or pedagogik tajribalarni va ishlab chiqarish 
tajribalarni joriy qilish hamda kasb-hunar kollej pedagog xodimlarining pedagogik 
mahoratini oshirishning eng muhim shaklidir. 
Ilg‘or tajriba maktabining eng asosiy maqsadi - kasb-hunar kollejlari 
xodimlariga o‘z faoliyatlarida ta’lim-tarbiyaviy ishlarning hozirgi zamon 
talablariga mos bo’lgan darajada va natijalarga erishishga yordam berishdir. 
Seminarlar - 
jadval bo‘yicha kamida oyda bir marta o‘tkaziladi. Seminarlar 
mazmuni, mohiyatiga ko‘ra va unga ajratilgan vaqtiga ko‘ra har xil bo‘lishi 
mumkin. 
Konsultastiyalar - 
shaxsiy va guruhli bo’lishi mumkin. Shaxsiy 
konsultastiyalar muhandis - pedagog va o‘qituvchilarning mustaqil ishlash 
soatlarida muntazam o‘tkaziladi. Kasb-hunar kollej rahbarlari, tajribali muhandis-
pedagog va o‘qituvchilar konsultant bo‘lishlari mumkin. 
Guruhli konsultastiyalar ma’lum bir mavzular bo‘yicha vaqti-vaqti bilan 
tashkil etiladi. Konsultastiya o‘tkazish uchun korxonalarning mutaxassislari, ishlab 
chiqarish ilg‘orlari, ilmiy xodimlar, malakali metodistlar taklif qilinadi. 
Ochiq darslar - 
uslubiy kengashda rejalashtiriladi va tashkil etadi. Ochiq 
dars o‘tkazadigan o‘qituvchiga tashkiliy va uslubiy yordam ko‘rsatish zarur. 

---

351 
Har bir ochiq darsga yaxshilab tayyorlanib, darsning barcha bosqichlari va 
vaqtning taqsimlanishi puxta o‘ylanishi, dars ko‘rgazmali o‘quv qurollari, texnik 
vositalari, ta’lim metod va ta’lim shakllari bilan to‘g‘ri tanlangan bo‘lishi kerak. 
Ochiq dars o‘qituvchi va muhandis-pedagog tomonidan o‘z hamkasblari 
guvohligida o‘tiladigan odatdagi darsdir. Bu darsga o‘quv guruhi oldindan mashq 
qildirib tayyorlashga ruxsat etilmaydi. 
Ochiq darsdan maqsad ish yuzasidan tajriba almashish, dars berishning ilg‘or 
metodlarini yoyish, ta’lim berish metodikasidagi kamchiliklarni bartaraf etib, uni 
tuzatishga yordam berish. Ochiq dars o‘tishdan avval kengaytirilgan reja tuzib, 
unda darsdan ko‘zga tutilgan o’quv tarbiyaviy ishlar maqsadi, uni amalga oshirish 
bosqichlari ko‘rsatiladi. Bunday dars rejasi uslubiy kengash tomonidan tasdiqlanib, 
barcha o‘qituvchilarga tarqatiladi. 
Har bir ochiq dars tugashi bilanoq, ishtirok etgan o‘qituvchilardan olingan 
taassurotlar yangiligida muhokama qilinadi. Muhokamani uslubiy kengash raisi 
boshlaydi. U darsning maqsadini eslatib o‘tadi va dars o‘tgan o‘qituvchiga so‘z 
beriladi. Dars maqsadga erishdimi yo‘qmi, darsning qaysi jihatlari yaxshi o‘tdi-yu, 
qanday kamchiliklar aniqlandi va umuman o‘tilgan darsni qanday baholanishi 
haqida gapiradi. 
So‘ngra dars haqida unda qatnashgan pedagoglar va ta‘lim muassasasi rahbari 
gapiradi. Ular darsni tahlil qiladilar, darsning yutuq va kamchiliklarini, darsning u 
yoki bu bosqichini qanday o‘tganda yaxshi bo‘lishini gapirib o‘tadilar. Muhokama 
ishchanlik ruhida, har tomonlama tanqidiy va eng muhimi xayrixohlik bilan o‘tishi 
kerak. 
Shuni ham esdan chiqarmaslik kerakki, ochiq dars o‘tilish katta diqqat-
e’tiborni talab qiladi, hatto eng tajribali o‘qituvchi ham ba’zi narsalarni esdan 
chiqaradi. Darsni malakali tahlil qilish, tarbiyaviy talablarning amaliy ahamiyatini 
ochib berish barcha o‘qituvchi va muhandis-pedagoglar uchun yaxshi maktab 
rolini o‘taydi.