З. Б. АҲророва у мумий педагогика

Эсседа кузатилиши мумкин бўлган эҳтимолий ютуқлар:
Эссе таҳлилини амалга оширишда унинг ютуқларини турли ёндашувлар асосида белгилаш мумкин:
Биринчидан, эссе муаллифи иқтибос, статистик маълумотлар ва прогнозлардан фойдаланиб, ўз шахсий муносабатини билдирган.
Иккинчидан, эссе муаллифи ахборот, ахборот сифати, ахборотнинг психологик хавфсизлиги, ахборот узатишда қўлланиладиган эффектлар, психологик ҳимоя каби тушунчаларни ўринли қўллай олган.
Учинчидан, эссе муаллифи режа асосида муаммога мажмуавий тарзда ёндашган.
Тўртинчидан, эсседа таҳлил сифатида танланган мавзунинг долзарблиги, муҳимлиги етарлича асослаб берилган.
Эсседа кузатилиши мумкин бўлган эҳтимолий камчиликлар:
Биринчидан, эсседа келтирилган иқтибос ва далилларнинг асосга эга эмаслиги.
Иккинчидан, эсседа тушунчалар ўринсиз, келтирилган мисоллар умумий мазмун касб этади.
Учинчидан, эсседа муаммо ва унга оид бўлган омилларга мажмуавий тарзда ёндашилмаган, изчил баён мавжуд эмас.
Тўртинчидан, эсседа келтирилган таклиф ва тавсиялар таҳлил этилган муаммога тааллуқли эмас.
Кўриниб турибдики, эссе ёзишда муҳим, яъни эссе сифатини таъминловчи бирламчи асос танланган мавзу асосида муаммони ажратиб олиш ва уни сатҳини белгилаш ҳисобланади.



Кейслар (вазиятли) масалалар!
1-кейс баёни
Оилавий китобхонлик шахснинг маданий савиясини оширишда йўлга қўйиш мумкин ва лозим бўлган фаолият туридир. Бироқ, сўнгги йилларда оилаларда оилавий китобхонликни самарали шакллантиришга эришиб бўлмаяпти.
Кейс саволи:
Қандай қилиб оила китобхонлигини самарали шакллантириш мумкинлиги ҳақида ўйлаб кўринг.
2-кейс баёни:
Дарс бошланишидан аввал ўқитувчи ерда ғижимланган қоғоз парчаси ётганини кўриб,бир ўқувчидан қоғозни олиб, ахлат қутисига ташлашни сўради. Ўқувчи ўрнидан турмасдан, қоғозни у ташламаганлиги сабабли уни олмаслигини маълум қилди.
Кейс саволи:
Ўқитувчи мазкур вазиятда қандай йўл тутиши керак? Қайси тарбия методини қўллаш орқали вазиятни ижобий ҳал этиш ҳамда гуруҳни ҳайратлантириш мумкин?
3-кейс баёни:
Синф раҳбари ўқувчиларнинг дарсларга яхши тайёргарлик кўриб келиши ва юқори ўзлаштиришга эришиш мақсадида ўқувчиларга ҳафта давомида ким кўп “аъло”ва “яхши”баҳо олса, байроқча ўша ўқувчига тақдим этилиши ҳамда бир ҳафта давомида уни ўзи билан бирга олиб юриши мумкинлигини айтди.