З. Б. АҲророва у мумий педагогика

РЕФЕРАТНИ ЁЗИШ БЎЙИЧА КЎРСАТМА

Умумий педагогика курси бўйича реферат бажариш талабаларда илмий адабиётлар, норматив материаллар, монографиялар мазмунини мантиқий таҳлил қилиш кўникмаларини ҳосил қилади, назарий қоидаларни тўғри тушунтириб бериш ва таърифлаб бериш қобилиятини шакллантиришга, педагогик терминологияни ўзлаштиришга ёрдам беради, шунингдек, амалий тавсия ва таклифларни билдириш имконияти ва муайян масала бўйича мустақил хулоса қилишга имкон беради. Бу бўлажак ўқитувчи учун муҳим аҳамият касб этади ва таълим олишнинг бу шакли олий ўқув юрти дастурини чуқур ва мустаҳкам эгаллашга йўналтирилган.

Бундан ташқари, реферат профессор ўқитувчилар томонидан талабалар билимини назорат қилиш шаклларидан бири бўлиб, бу талабаларнинг мустақил ишлаши қай даражада муваффақиятли эканини ва уларнинг ўрганилаётган предметга нисбатан муносабатини аниқлашга имкон беради.


Рефератни тайёрлаш бўйича услубий кўрсатмалар.
Умумий педагогика бўйича курс иши талаба учун биринчи илмий тадқиқот тажрибаси ҳисобланиб, у кетма-кет келувчи босқичлардан иборат режалаштирилган иш жараёнидир.
Реферат ёзишнинг бутун жараёнини шартли равишда қуйидаги босқичларга бўлиш мумкин:

1. 
   мавзуни танлаш, илмий раҳбардан маслаҳат олиш ва ишнинг дастлабки режасини тузиш;
   
2. 
   тадқиқот мавзусига доир илмий маълумот йиғиш ва адабиётларни ўрганиш;
   
3. 
   масаланинг таркибий қисмлари таҳлили, мавзу баёни;
   
4. 
   рефератни расмийлаштириш ва тақдим этиш;
   

Реферат режасини тузиш ва мувофиқлаштириш.
Рефератда режанинг мавжудлиги унда фақат шу мавзуга оид масалаларни ёритишга имкон беради, материалларни баён қилишда кетма-кетликни, аниқликни ва такрорлашларга йўл қўймасликни, мустақил ишни илмий ташкил этишни таъминлайди.
Рефератнинг намунавий мавзулар рўйхати муайян мавзулар бўйича услубий кўрсатмаларда бўлади. Мавзуни танлаш ва режани тузиш бир пайтда бўлмаслиги керак. Дастлаб дарсликларнинг тегишли бўлимлари билан танишиб чиқиш, мавзунинг мазмунини тушуниш, фуқаролик ҳуқуқи фанининг ўрни ва ролини аниқлаш керак.
Раҳбар билан келишган ҳолда иш режаси белгиланади. Талаба намунавий режалардан фойдаланган ҳолда уна бир неча ўзгартиришлар киритиши ёки ўз режасини таклиф қилиши мумкин. Кўриб чиқилиши керак бўлган масалалар доирасини аниқ белгилаб олиш учун ҳар бир бўлимни кичик-кичик саволларга бўлиш мумкин. Шуни эслатиб ўтиш керакки, иш режасини кўп саволлардан иборат тарзда тузиш мақсадга мувофиқ эмас.