Yuridik xizmat

-жисмоний ва юридик шахсларнинг ҳуқуқ ва қонуний манфаатларини ҳимоя қиладиган самарали фуқаролик-ҳуқуқий механизмларни жорий қилиш ва ривожлантириш;
-сиёсий-ҳуқуқий соҳага оид халқаро рейтинг ва индексларда Ўзбекистон Республикасининг ўрнини ошириш бўйича тизимли ва изчил чоралар кўриш;
-норматив-ҳуқуқий ҳужжатлар ва улар лойиҳаларининг тартибга солиш таъсирини баҳолаш соҳасидаги фаолиятни мувофиқлаштириш;
-қонунчилик ҳужжатлари ва топшириқларнинг ўз вақтида, тўлиқ ва сифатли амалга оширилишини таъминлаш юзасидан, шу жумладан Ҳисоб палатаси билан биргаликда соҳалар, ҳудудлар ва идоралар кесимида манзилли ва тематик таҳлилий ўрганишларни олиб бориш ва жойлардаги ҳолат мониторингини юритиш;
-қонунчилик ҳужжатлари ва топшириқларнинг амалда бажарилишига тўсқинлик қилаётган муаммолар ва омилларни аниқлаш, уларни ҳал этиш бўйича тегишли вазирлик ва идоралар олдига аниқ масалаларни қўйиш, давлат органлари ва ташкилотларининг фаолияти очиқлигини таъминлаш, соҳага хос бўлмаган, такрорланувчи вазифа ва функцияларини қисқартириш, уларда ортиқча қоғозбозлик ва мажлисбозликка йўл қўймаслик юзасидан таклифлар ишлаб чиқиш;
-давлат органлари ва ташкилотларига қонунчилик ҳужжатлари ва топшириқлар ижроси юзасидан ҳуқуқий-услубий кўмаклашиш, уларнинг тегишли бўлинма раҳбарларини ижро интизомига риоя этилиши бўйича ўқитишда иштирок этиш.


105. Адлия органларининг хўжалик юритувчи субъектларга юридик ёрдам кўрсатиш бўйича фаолиятини шартли равишда қуйидагича уч йўналишга ажратиш мумкин
1. Хўжалик юритувчи субъектларга юридик ёрдам кўрсатиш ва уларнинг ҳуқуқ ҳамда қонуний манфаатларини ҳимоя қилиш;
2. Хорижий инвесторлар ва улар иштирокидаги корхоналарга юридик ёрдам кўрсатиш ҳамда уларнинг ҳуқуқлари ва қонуний манфаатларини ҳимоя қилиш;
3. Хўжалик юритувчи субъектларга хўжалик шартномаларини тузишда юридик ёрдам кўрсатиш ва шартнома интизомини мустаҳкамлаш.