Юридик масалалар бўйича

Банк сирини ташкил этувчи маълумотлар прокуратура, тергов ва суриштирув органларига қандай тақдим этилади.

Жавоб Банк сирини ташкил этувчи маълумотлар прокуратура, тергов ва суриштирув органларига мазкур банк мижозига(вакилига) нисбатан қўзғатилган жиноий иш мавжуд бўлган тақдирда, етказилган зарар ундириб олиниши ёки унинг мол-мулки хатланишини таъминлаш мақсадида терговчи ёҳуд суриштирувчининг асослантирган қарорига биноан прокурор санкцияси билан тақдим этилади.
Ўзбекистон Республикаси Банк сири тўғрисидаги қонуннинг 9 моддаси.


ХОДИМЛАР БИЛАН ИШЛАШ БЎЙИЧА АТТЕСТАЦИЯ САВОЛЛАРИ

1. 
   Меҳнат шартномасининг тушунчасига таъриф беринг.
   

Меҳнат шартномаси ходим билан иш берувчи ўртасида муайян мутахассислик, малака, лавозим бўйича ишни ички меҳнат тартибига бўйсунган ҳолда тарафлар келишуви, шунингдек меҳнат тўғрисидаги қонунлар ва бошқа норматив ҳужжатлар билан белгиланган шартлар асосида ҳақ эвазига бажариш ҳақидаги келишувдир.
Ходим ва иш берувчи меҳнат шартномасининг тарафлари бўлиб ҳисобланадилар.

2. 
   Меҳнат шартномасининг мазмунида нималар белгиланади?
   

Меҳнат шартномасининг мазмуни тарафлар келишуви бўйича, шунингдек меҳнат тўғрисидаги қонунлар ва бошқа норматив ҳужжатлар билан белгиланади.
Меҳнат шартномаси тарафларининг келишуви билан қуйидагилар белгиланади:
иш жойи (корхона ёки унинг бўлинмаси);
ходимнинг меҳнат вазифаси - мутахассислиги, малакаси, у ишлайдиган лавозим;
ишнинг бошланиш куни;
меҳнат шартномаси муайян муддатга тузилганда унинг амал қилиш муддати;
меҳнат ҳақи миқдори ва меҳнатнинг бошқа шартлари.
Меҳнат шартномасини тузиш пайтида ходимларнинг қонунлар ва бошқа норматив ҳужжатлар билан белгиланган меҳнат ҳуқуқлари ва кафолатлари даражаси пасайтирилиши мумкин эмас

3. 
   Меҳнат шартномасининг шакли?
   

Меҳнат шартномаси ёзма шаклда тузилади.
Меҳнат шартномаси бир хил кучга эга бўлган камида икки нусхада тузилади ва ҳар бир тарафга сақлаш учун топширилади.
Меҳнат шартномасида тарафларнинг манзиллари кўрсатилади.
Меҳнат шартномаси ходим ва ишга қабул қилиш ҳуқуқига эга бўлган мансабдор шахснинг имзолари билан мустаҳкамланиб, имзоланган муддати қайд этиб қўйилади. Мансабдор шахснинг имзоси имзонинг ҳақиқий ва ваколатли эканлигини таъкидлаш тариқасида корхона муҳри билан (муҳр мавжуд бўлган тақдирда) тасдиқланади.

4.