Юридик масалалар бўйича

Тижорат банкларида касса ишини ташкил этиш, нақд пул ва бошқа қимматликларни инкассация қилишга доир йўриқномани тасдиқлаш ҳақида
(Ўзбекистон Республикаси Адлия вазирлиги томонидан 2020 йил 22 октябрда рўйхатдан ўтказилди, рўйхат рақами 3028-4) 170 банд

13. 
    Банк автоматлаштирилган банк тизимидан рухсатсиз фойдаланишнинг олдини олиш мақсадида қандай чоралар кўриши керак?
    

1. 
   Фойдаланувчиларни идентификация ва аутентификация қилиши ҳамда ушбу жараённи бошқариши;
   
2. 
   Муваффақиятсиз киришга уринишларни аниқлаш ва кириш имкониятларини чеклаш;
   
3. 
   Фойдаланувчининг маълум бир вақт оралиғида ҳаракатсизлиги ёки янгидан кириш ҳаракати аниқланганда иш сессиясини тўхтатиш;
   
4. 
   Фойдаланувчининг автоматлаштирилган банк тизими созланишларини (параметрларини) ўзгартириш имкониятини чеклаш.
   

Ўзбекистон Республикаси тижорат банклари автоматлаштирилган банк тизимларида ахборотни муҳофаза қилиш тўғрисидаги низомни тасдиқлаш ҳақида.(Ўзбекистон Республикаси Адлия вазирлиги томонидан 2020 йил 10 мартда рўйхатдан ўтказилди, рўйхат рақами 3224) 37-банд

14. 
    Банкда антивирус дастурларидан фойдаланиш қандай тартибда амалга оширилади?
    

1. 
   Антивирус дастурлари серверлар, компьютерлар, банкоматлар, инфокиосклар ва бошқа барча антивирус дастурлари ўрнатилиши мумкин бўлган ҳисоблаш воситаларига ҳамда қурилмаларга ўрнатилган бўлиши лозим.
   
2. 
   Банклар томонидан антивирус дастурларини марказлашган ҳолда бошқариш тизими жорий этилиши, антивирус дастурлари базалари ҳар куни янгиланиб борилиши, антивирус дастури русуми актуал (маънан эскирмаган) бўлиши таъминланиши лозим.
   
3. 
   Компьютердаги антивирус дастурининг созламаларини банк ходимлари томонидан ўзгартириш имконияти бўлмаслиги керак. Компьютер вируси аниқланганда ходимлар томонидан амалга ошириладиган ҳаракатлар банклар томонидан белгиланади. Банклар антивирус ҳимояси бўйича лицензияланган дастурларга эга бўлишлари лозим.
   
4. 
   Банкда антивирус дастурларининг ўрнатилиши ҳамда унинг ишлаши ахборот хавфсизлиги хизмати ва масъул ходим томонидан назорат қилинади.
   
5. 
   Банклар компьютер вируси аниқланганда, уларнинг тармоқ орқали тарқалишини олдини олиш мақсадида амалга ошириладиган чораларни белгилаши керак.
   
6. 
   Банкда компьютер вируси аниқланганда, вируснинг келиб чиқиши ва унинг тури ҳақида Марказий банкка ахборот берилади.
   

Ўзбекистон Республикаси тижорат банклари автоматлаштирилган банк тизимларида ахборотни муҳофаза қилиш тўғрисидаги низомни тасдиқлаш ҳақида (Ўзбекистон Республикаси Адлия вазирлиги томонидан 2020 йил 10 мартда рўйхатдан ўтказилди, рўйхат рақами 3224)

15.