Yuqori molekulyar birikmalar kimyosi

O’ZBEKISTON RESPUBLIKASI OLIY VA O’RTA
MAXSUS TA’LIM VAZIRLIGI
QARSHI DAVLAT UNIVERSITETI
TABIIY FANLAR FAKULTETI
KIMYO KAFEDRASI
“YUQORI MOLEKULYAR BIRIKMALAR KIMYOSI”
fanidan
LABORATORIYA MASHG’ULOTLARI



Qarshi -2021
V-SEMESTR MAVZULARI


Laboratoriya mashg’ulotlarini o’tkazish tartibi
Yuqori molekulyar birikmalar kimyosi fanidan laboratoriya mashqulotlarini bajarishda talabalar, dastlab reaktiv va asboblardan foydalanish qoidalari hamda tajribalarni aniq bajarish tartibi bilan tanishtiriladi.
Laboratoriya va amaliy mashqulotlarni nazariy tushunchalar bilan birgalikda olib borilgandagina talabalarning o`zlashtirishi unumli va samarali bo`ladi.
Talabalarni laboratoriyada amaliy mashqulot bajaradigan asosiy joyi ish stolidir. Ish stoli doimo toza bo`lishi kerak. Laboratoriya mashqulotlarini faqatgina qunt va aniqlik bilan bajarilgandagina kutilgan natijalarga ega bo`lish mumkin. Ishga e`tiborsizlik bilan qarash esa, bajariladigan ish natijalarining noto’g’ri chiqishiga sabab bo`ladi. Tajribani to`qri bajarish uchun dastlab eritma va reaktivlarni ko`rsatilgan miqdorda to’g’ri o’lchab olish lozim. Disstillangan suv, reaktivlar, gaz va elektr energiyasini tejab, texnika xavfsizligiga rioya qilgan holda ishlatish kerak. Tartib va ozodalikni ish joyida ham, laboratoriya darslarida ham saqlash lozim.
Har bir amaliy mashqulotni bajarishdan oldin, talabalar oldingi ish yuzasidan hisobot tuzib, o`qituvchiga ko`rsatadilar. So`ng navbatdagi laboratoriya ishini bajarishga ruhsat etiladi.
Yangi ishni boshlashdan avval o`qituvchi talabalardan shu ishning mazmunini qanchalik darajada bilib olganliklarini tekshirib ko`rishi lozim. Talabalar nazariy tushunchalarni o`zlashtirib, yangi laboratoriya ishini bajarilish tartibini tushinib olganliklariga ishonch qosil qilganidan keyingina navbatdagi ishni bajarish uchun ruhsat etiladi.
Talabalar tayyorlagan asboblar tuzilmalari to`qriligi o`qituvchi yoki katta laborant tomonidan tekshirilib, undan keyin ishni bajarishga ruhsat beradi.