Yuksak ma’naviyatli avlod-uchinchi renessans bunyodkorlari

YUKSAK MA’NAVIYATLI AVLOD-UCHINCHI RENESSANS BUNYODKORLARI


Umurzakova Sevara Abdukarimovna
Alisher Navoiy nomidagi
ToshDO‘TAU
“Amaliy filologiya” fakulteti
3-bosqich talabasi
Tel: [phone]
E-mail: [e-mail]

Annotatsiya: Biz yuksak ma’naviyatli avlodlarmiz olam va insonning paydo bo‘lishi, shakllanishi va yetuklikka erishuvi eng muhimi sohalar rivojiga hissa qo‘shibgina qolmay, soha va fanlarga asos solgan, tabiat va jamiyat rivojlanishi qonuniyatlarini ochgan, ilm va ma’rifat kurashchisi o‘z dunyoqarashi bilan zamonasidan ancha ilgarilab ketgan yetuk olimlar Xorazmiy, Beruniy, Ibn Sino, Farobiy, Ulug‘bek, Navoiy va Bobur kabi mutafakkir, bunyodkorlarining avlodimiz.
Kalit so‘zlar: yuksak, ma’naviyat, yoshlar, tarbiya, O‘rta Osiyo, alloma, ilmiy, meros.


1. KIRISH VA DOLZARBLIGI
“Ilm va ta’limning qadriga yetib, davlatimizda ilm va ta’lim o‘rganish bilan muhit yaratilsa, bobolarimizga munosib hayot va kelajakni qura olamiz!”
Sh. M. Mirziyoyev.

Prezident O‘zbekiston Mustaqilligining yigirma to‘qqiz yilligiga bag‘ishlab, 2020 - yilning 31 - avgustida o‘tkazilgan tantanali yig‘ilishda qilgan nutqida “jahon «Yangi O‘zbekiston» iborasini tilga olayotgani”ni aytib, “O‘zbekistonda yangi bir uyg‘onish – Uchinchi Renessans davriga poydevor yaratilayotganini” ta’kidlagan edi. Nutq qarorga aylandi. 2021-yil 16-iyuldagi mustaqillikning 30 yilligi arafasida Prezident yana bir qarori bilan Islom sivilizatsiyasi markaziga "Uchinchi Renessans — Yangi O‘zbekiston" g‘oyasini keng targ‘ib qilish; mamlakatning yangi davrdagi yutuqlarini keng jamoatchilikka yetkazish; moddiy-madaniy meros va islom dini bilan bog‘liq an’analarni targ‘ib qilish vazifalarini yukladi. Ma’naviyat- insonni ruhan poklanish,qalban ulg‘ayishga chorlaydigan, odamning ichki dunyosi, irodasini baquvvat, iymon-e’tiqodini butun qiladigan, vijdonini uyg‘otadigan beqiyos kuch, uning barcha qarashlarining mezonidir, desak, menimcha, tariximiz va bugungi hayotimizda har tomonlama o‘z tasdig‘ini topib borayotgan haqiqatni yaqqol ifoda etgan bo‘lamiz.