Yu. S. Shokirova, E. Yunusaliyev

3.2.4. Kichik biznes va xususiy korxonalarni tashkil etishda tadbirkorlik 
g‘oyasini amalga oshirish imkoniyatlari tahlili 
Tadbirkorlik g‘oyasini amalga oshirish imkoniyatlari tahlilining asosiy 
metodologik omili bo‘lib, tadbirkor yo‘lga qo‘ymoqchi bo‘layotgan loyihaning 
samaradorligini oldindan baholay olish hisoblanadi. Loyihaning samarali bo‘lishi 
va muvaffaqiyat qozona olish imkoniyatiga quyidagi muammolar ta’sir etadi: 
1.
Moliyaviy muammolar. 
2.
Texnologik muammolar. 
3.
Bino, joy tanlash bo‘yicha muammolar. 
4.
Kadrlar bo‘yicha muammolar. 
5.
Moddiy-ta’minot bo‘yicha muammolar. 
6.
Ekologik muammolar. 
 
Tadbirkor yuqoridagi har bir muammolarni to‘g‘ri va aniq baholay olgan 
hamda shu asosda loyihani amalga oshirgan taqdirdagina ushbu loyihalar muvaf-
faqiyat qozonish imkoniyatiga ega bo‘ladi. Buning uchun tadbirkor loyihani 
amalga oshirishdan avval ushbu muammolarini tahlil qilib chiqishi zarur bo‘ladi. 
Tadbirkorlik loyihasini amalga oshirishdagi muammolarni tahlil qilish 
quyidagicha amalga oshiriladi. 
1.
 
Moliyaviy muammolarni tahlil qilish 
1.1. Loyihani amalga oshirish uchun zarur bo‘lgan xarajatlar, sarmoya va 
aylanma mablag‘larni baholash. 
1.2. Zaruriy sarmoya olish, moliyaviy ta’minot imkoniyatlarini o‘rganish. 
1.3. Agar sarmoya bilan ta’minlash imkoniyati bo‘lsa, loyihani ko‘rib 
chiqish davom ettiriladi. 
1.4. Xarajatlarni qoplashning taxminiy muddati belgilanadi. Agar xa-
rajatlarni qoplash muddati 3 yildan kam bo‘lsa, loyihani ko‘rib chiqish davom et-
tiriladi. 
1.5. Moliyaviy amalga oshiriluvchanlik darajasiga baho beriladi. 

---

80 
2.
 
Texnologik muammolarni tahlil qilish 
 
2.1. Loyihani amalga oshirishda texnologik jarayonlarga tavsif berish. 
2.2. Texnologik jarayonlarni amalda qo‘llash imkoniyatlarini tahlil qilish. 
2.3. Texnologik nuqtai nazardan amalga oshirish imkoni bo‘lmasa, bu 
g‘oyani ko‘rib chiqish davom ettirilmaydi.