“Yo`l xaritasi” bajarilgan ishlar yuzasidan hisobot

II.3. Ta’lim sifatini oshirish, o`quv dasturlari va adabiyotlarini takomillashtirish
Respublikada koronavirus pandemiyasi tarqalishidan aholini himoya qilish uchun joriy qilingan karantin davrida uzluksiz ta’limni barcha bosqichlarida ta’limni masofadan tashkil etish shakliga o`tildi. Oliy va o`rta maxsus ta’lim vazirining 2020 yil 27 martdagi “Oliy ta’lim muassasalarida masofaviy ta’limni joriy etish to`g`risida”gi 233-son buyrug`i asosida barcha oliy ta’lim muassasalarida 2020 yil 1 apreldan masofaviy ta’lim yo`lga qo`yildi.
Nizomiy nomidagi Toshkent davlat pedagogika universitetining barcha kunduzgi, kechki(smenali), sirtqi (5-yillik), sirtqi(maxsus sirtqi) bakalavriat ta’lim shakllarida hamda magistratura mutaxassisliklarida masofaviy ta’lim universitetning talaba.tdpu.uz platformasida tashkil etilgan bo`lib, barcha professor-o`qituvchilar va talabalar ro`yxatdan to`liq o`tishgan.
SHuningdek, respublikamizdagi barcha pedagogika oliy ta’lim muassasalari tegishli yo`nalishlarida tahsil olayotgan talabalar hamda universitet talabalari uchun ZO’R TV kanali bilan hamkorlikda “T-Universitet” dasturi tayyorlanib, televizon darslar yaratildi va har hafta dushanba, seshanba, payshanba va juma kunlari efirga uzatildi.
2020 yil 1 apreldan modul tizimiga asoslangan elektron dars jadvallari asosida ZOOM platformasida bakalavriat ta’lim yo`nalishlari uchun 70 dan ortiq va magistratura mutaxassisliklari uchun 20 dan ortiq vertual auditoriyalarda onlayn vebinar mashg`ulotlar yo`lga qo`yildi.
Universitet professor-o`qituvchilari tomonidan tayyorlangan o`quv materiallari http://talaba.tdpu.uz platformasiga, videodarslar http://new.tdpu.uz/videodars tizimiga joylashtirilmoqda.
Professor-o`qituvchilar ZOOM platformasida "Virtual auditoriya" tizimi, telegramm kanallari orqali talabalarga on-line vebinar shaklda mashg`ulotlar olib borishmoqda.
2019/2020 o`quv yili bahorgi semestridagi barcha fanlar http://talaba.tdpu.uz platformasi orqali o`zlashtirilishi, shuningdek, bitiruv malakaviy ishlari hamda magistrlik dissertasiyalari himoyalari ham on-layn tarzda o`tkaziladi.
Mazkur jarayonlarni doimiy monitoring qilish, yuzaga kelgan savollarga o`z vaqtida javob berish va texnik muammolarni bartaraf qilish bo`yicha muvofiqlashtiruvchi-o`quv-uslubiy boshqarmaning TDPU_masofaviykunduzgi va TDPU magistratura vebinar telegramm kanallari ishga tushirilgan.
2019 yilda takomillashtirilgan fan dasturlari asosida ehtiyojdan kelib chiqib
115 nomdagi yangi o`quv adabiyotlari (shu jumladan, 70 ta darslik va 45 ta o`quv qo`llanma) yaratilgan.
2020 yilda yaratilishi zarur bo`lgan 173 nomdagi o`quv adabiyotlari va mualliflari ro`yxati universitet tomonidan tasdiqlangan bo`lib, reja asosida o`quv adabiyotlari yaratilib, o`rnatilgan tartibda taqriz, ekspert xulosa olinim, yo`llanma xat bilan Oliy va o`rta maxsus ta’lim vazirligi huzuridagi Muvofiqlashtiruvchi kengash muhokamasiga kiritib kelinmoqda.