“Yo`l xaritasi” bajarilgan ishlar yuzasidan hisobot

Toshkent davlat pedagogika universitetida yuqori malakali kadrlar tayyorlash tizimini tubdan takomillashtirish va ilmiy salohiyatni rivojlantirish bo`yicha 2020 yil uchun chora-tadbirlar dasturi
(“Yo`l xaritasi”) bajarilgan ishlar yuzasidan
HISOBOT

Chora-tadbirlar dasturi (“Yo`l xaritasi”)ning asosiy yo`nalishlari - Amalga oshirish va natijalarga erishish chora-tadbirlari

I.1.Umumiy o`rta va professional ta’lim muassasalarida pedagogika sohasiga moyilligi, qiziqishi bo`lgan yuqori sinf o`quvchilari uchun kasbga yo`naltirish ishlarini faollashtirish Nizomiy nomidagi Toshkent davlat pedagogika universiteti Toshkent shahrida joylashgan umumiy o`rta ta’lim maktablari bilan ta’lim turlari o`rtasidagi o`zaro integrasiya jarayonini kuchaytirish, ular o`rtasidagi uzviylikni ta’minlash, umumiy o`rta ta’lim tizimidagi o`quv-tarbiya jarayonlari sifatini oshirish, ularga metodik yordam berish nuqtai nazaridan maktab–oliy ta’lim muassasasi xamkorligini yo`lga qo`yish maqsadida 150 dan ortiq hamkorlik shartnomalari imzolagan. Ushbu hamkorlik shartnomalari va unga muvofiq tuzilgan ish rejaga binoan ta’lim tizimida zamonaviy ta’lim texnologiyalarini tadbiq etish bo`yicha seminar-treninglar, maktab o`quv fanlaridan mahorat darslari o`tkazilgan. Maktab bitiruvchi sinf o`quvchilarini universitet hayoti bilan tanishtirish va kasbga yo`naltirish maqsadida universitetda ekskursiyalar muntazam tashkil etilmoqda. SHuningdek, sog`lom turmush tarzini shakllanishiga xizmat qiluvchi, insoniy fazilatlarni qadrlashga qaratilgan tadbirlar hamda umumiy o`rta ta’lim maktablarida o`tkazilayotgan ma’naviy-ma’rifiy ishlarda universitet kafedralari jamoasi faol ishtirok etishmoqda. Toshkent shahri va viloyatidagi umumiy o`rta ta’lim maktablarida universitet kafedralarining 42 ta filiallari tashkil etilib, universitet professor-o`qituvchilarining o`rindoshlik asosida dars mashg`ulotlarini o`tishi yo`lga qo`yilgan. Shuningdek, “Yosh pedagoglar sinfi”ni tashkil etish maqsadida Yunusobod tumani 97-umumiy o`rta ta’lim maktabida Pedagogika kafedrasining filiali tashkil etildi. Bundan tashqari, hamkorlik shartnomalariga muvofiq, universitet ta’lim yo`nalishlarining malakaviy o`quv amaliyotlari 2 kursdan boshlab bevosita Toshkent shahridagi umumiy o`rta ta’lim maktablari va maktabgacha ta’lim muassasalarida o`tkazib kelinmoqda. (R.Berdiqulov)