Yillar o‘tishi bilan, oldimizga qo‘ygan buyuk maqsadlar sari yurishimizda chuqur va atroflicha o‘ylangan, xalqaro maydonda “o‘zbek modeli” deb tan olingan demokratik islohotlar yo‘li naqadar to‘g‘ri ekanini hayotimizning o‘zi oqlab

Farmatsevtika bozori hajmi

O‘zbekistonning farmatsevtika bozori MDHda Rossiya va Ukrainadan keyingi uchinchi yirik bozor hisoblanadi. O‘sish dinamikasi (yiliga 8-10 foiz) bo‘yicha MDH mintaqasida eng tez rivojlanayotgan bozorlar qatoriga kiradi.
O‘zbekiston farmatsevtika bozorida bugungi kunda 9000 turdagi dori vositalari, 1684 turdagi tibbiy buyumlar va 1529 turdagi tibbiy texnika mahsulotlari iste’mol qilinmoqda.
2020 yilda farmatsevtika sohasida ichki bozor hajmi 1,4 mlrd dollarni tashkil etib, uning 17-20 foizi mahalliy ishlab chiqarish hisobidan ta’minlangan.
Tegishli ravishda, Farmatsevtika tarmog‘ini rivojlantirish agentligining ma’lumotlariga qaraganda bugungi kunda O‘zbekiston farmatsevtik bozorida 669 ta ulgurji realizatsiya bilan shug‘ullanuvchi tashkilotlar va 13 957 ta dori vositalari va tibbiy buyumlarni chakana realizatsiya qilish faoliyati bilan shug‘ullanuvchi dorixonalar va ularning filiallari mavjud.

O‘zbekiston farmatsevtika sanoati

O‘zbekistonda farmatsevtika kompaniyalari soni 1994 yilda 2 ta, 2002 yilda 68 ta, 2012 yilda 130 ta bo‘lgan bo‘lsa, 2020 yil yakuniga ko‘ra 220 ta mahalliy farmatsevtika korxonalari tomonidan 1271,8 mln. qadoq, qiymati 2,47 trln. so‘mlik farmatsevtik mahsulot ishlab chiqarilgan. Tarmoqda bandlar soni 8000 kishiga yetadi.
Farmatsevtika sanoatining mamlakat YaIM hajmi shakllanishidagi ulushi

Yillar	YaIM (mlrd.so‘m)	Farmatsevtika mahsulotlari ishlab chiqarish hajmi (mlrd.so‘m)	YaIM tarkibidagi ulushi, %
2016	242 496	1 144	0,47
2018	406 649	1 440	0,35
2020	580 203	2 470	0,43

Mahalliy korxonalarning 102 tasi dori vositalari, 30 tasi tibbiy texnika, 80 tasi tibbiy buyumlar va 8 tasi dori vositalari va tibbiy buyumlarni ishlab chiqarishga ixtisoslashgan.
Hozirgi kunda mahalliy farmatsevtika korxonalari tomonidan ro‘yxatdan o‘tkazilgan mahsulotlar soni 3 524 tadan oshgan (3 147 nomdagi dori vositalari, 280 nomdagi tibbiy buyumlar, 97 nomdagi tibbiy texnika mahsulotlari ishlab chiqarilmoqda).