Yillar o‘tishi bilan, oldimizga qo‘ygan buyuk maqsadlar sari yurishimizda chuqur va atroflicha o‘ylangan, xalqaro maydonda “o‘zbek modeli” deb tan olingan demokratik islohotlar yo‘li naqadar to‘g‘ri ekanini hayotimizning o‘zi oqlab

Manba: Farmatsevtika tarmog‘ini rivojlantirish agentligi
55 ta farmatsevtika korxonalarida xalqaro va milliy standartlar joriy qilingan (jumladan 34 ta korxonada ISO 9001:2008, 7 ta korxonada ISO 13485 xalqaro standarti, 10 ta korxonada O‘zbekiston davlat standarti va 4 ta korxonada boshqa davlatlar “GMP - Zarur ishlab chiqarish amaliyoti” standarti joriy qilingan).
O‘zbekiston Respublikasi Prezidentining 2019 yil 10 apreldagi “2019-2021 yillarda respublikaning farmatsevtika tarmog‘ini yanada jadal rivojlantirish chora-tadbirlari to‘g‘risida”gi PF-5707 - sonli Farmoniga muvofiq 2019-2021 yillarda respublika hududida ishlab chiqarishni mahalliylashtirish tavsiya etilgan dori vositalari guruhlari ro‘yxati tasdiqlangan:

1. 
   Antibiotiklar;
   
2. 
   Endokrin tizimi patologiyasini davolash dori vositalari;
   
3. 
   Yallig‘lanishga qarshi nosteroid dori vositalari;
   
4. 
   Viruslarga qarshi dori vositalari;
   
5. 
   Me’da-ichak yo‘llari patologiyasini davolash dori vositalari;
   
6. 
   Immunobiologik dori vositalari;
   
7. 
   Nafas a’zolari patologiyasini davolash dori vositalari;
   
8. 
   Yurak-qon tomir kasalliklarini davolash dori vositalari;
   
9. 
   Onkologiya kasalliklarini davolash dori vositalari;
   
10. 
    Bolalarda sil (tuberkulyoz) bilan infeksiyalanishni erta aniqlash uchun diaskin testlari.
    

Bulardan “Onkologiya kasalliklarini davolash dori vositalari” guruhiga mansub dori vositalar 2020 yilda o‘zlashtirilib ishlab chiqarish tashkil etilgan. Pandemiya sharoitida O‘zbekistonda COVID-19ni aniqlaydigan test-sistemalarni ishlab chiqarish yo‘lga qo‘yishga harakatlar boshlangan.
Bundan tashqari, O‘zbekiston Respublikasi Prezidentining 2020 yil 28 yanvardagi PQ-4574-son “Tashkent Pharma Park” innovatsion ilmiy-ishlab chiqarish farmatsevtika klasterini tashkil etish to‘g‘risida”gi qarori bilan Zangiota tumanida farmatsevtika mahsulotlari ishlab chiqaruvchilar va ilmiy tekshirish institutlari hamkorligini yo‘lga qo‘yish va zamonaviy texnoparkni tashkil qilishni nazarda tutilgan.
Bu mamlakatning farmatsevtika tarmog‘ida o‘quv, ilmiy-tadqiqot salohiyatini rivojlantirish tizimini shakllantirishga, eng yaxshi xorijiy o‘quv dasturlari asosida farmatsevtika sohasida kadrlarni o‘qitish va tayyorlashga, chuqur ilm talab qiladigan va yuqori texnologiyali yangi ishlab chiqarishlarni yaratishga qaratilgan.