«Yengil sanoat va to`qimachilik» fakulteti «yengil sanoat texnologiyalari» kafedrasi

2.9 “Gemini Photo digitayzer” moduli yordamida andazalarni

“GEMINI CAD” tizimiga kiritish

Ma’lumotlarni kompyuter xotirasiga kiritish uchun “Gemini Photodigitayzer” modulidan foydalaniladi (27- rasm). Bu modul fotokamera yordamida andozalarni tezkor va aniq raqamlaydi, keyinchalik tahrir qilish, istalgan ALT ga eksport qilish imkonini beradi.


27- rasm. Raqamli fotoapparat ko`rinishlari
Raqamli fotoapparat maxsus shtativli asosga o`rnatiladi yoki shiftda mahkamlanadi. Dastlab fotoapparat kalibrovka qilinadi, ya’ni masshtab va rasmga olish parametrlari to`g`rilanadi. Chiziqning maksimal og`ish chegarasi 0,7 mm.ni tashkil etadi. Andozalar konturi yanada aniq ko`rinishi uchun stolga to`q rangli mato to`shaladi. Tekis sath (stol)ga andozalar joylashtiriladi. “Gemini Photo digitayzer” moduli ishga tushiriladi (28- rasm). Asosiy menyudan “Foto” buyrug`i tanlanadi. Kamera kutish rejimiga o`tadi va 2-3 sekund ichida andozalarni rasmga oladi. Olingan rasmlarga avtomatik ravishda ishlov beriladi va kompyuter xotirasiga kiritadi.

Andozalarni tekshirish va tahrirlashda quyidagi ishlar bajariladi: chiziqlarni Bezьye egriliklariga aniq va xatosiz o`tkazish; andoza burchaklarini aniqlash va nazorat nuqtalari bilan belgilash; turli xil kertimlarni (chizilgan, qirqilgan) qo`yish; ichki chiziq, taxlama va nuqtalarni aniqlash.

Kompyuter xotirasiga kiritilgan andozalarni “Gemini CAD” formatida saqlanadi (29- rasm).