«Yengil sanoat va to`qimachilik» fakulteti «yengil sanoat texnologiyalari» kafedrasi

23- rasm. Asos konstruktsiya chizmasidan detallarni ajratib olish.
Kiyim yangi modelini loyihalash uchun gorizontal menyudan “Yangi model yaratish” (rus. “Создать новую модель”) buyrug`i tanlanadi. Alohida ajratib olingan old, ort bo`laklar yangi varaqqa joylashtiriladi.

Quyida misol tariqasida 6.9- rasmdagi ayollar ko`ylagi modelini loyihalash bosqichlari keltirilgan. Yangi kiyim modelini loyihalash uchun ko`krak vitachkasini yon qirqimga o`tkaziladi, buning uchun “Редактирование” rejimida -“Belgilangan nuqtadan berilgan masofada nuqtalar belgilash” (rus. “Выбрать точки на расстоянии от выделенной точки”) buyrug`i tanlanadi. Yon qirqimda ko`krak vitachkasini o`tkazish masofasi aniqlanadi, masalan, Vertikal bo`ylab 4 sm. pastda chiziq o`tkazish uchun nuqta belgilanadi. “Risovaniye” rejimida “To`g`ri chiziq” (rus. “Прямая линия”) buyrug`i tanlanib, belgilangan nuqtadan ko`krak vitachkasi uchiga urinma o`tkaziladi. Chiziq aniq tutashtirilishi uchun kursor va “Alt” tugmalari kombinatsiyasidan foydalaniladi. “Detali” rejimida “Burish” (rus. “Поворот”) buyrug`i tanlanadi va vitachka belgilangan masofaga ochiladi (24- rasm).

24- rasm. Ko`krak vitachkasini belgilangan masofaga o`tkazish
Model old bo`lagi asimmetrik ko`rinishga ega bo`lgani sababli old bo`lak konstruktsiyasi ochib ko`rsatiladi. Buning uchun “Detali” rejimida kursor yordamida old bo`lak belgilanadi. Gorizontal menyudan “Копировать” va “ Вставить” buyruqlari ketma-ket tanlanadi. Ish stolida old bo`lak nusxasi paydo bo`ladi. Old bo`laklarni bir-biriga biriktirish uchun “Detali” rejimida “Gorizontal bo`yicha aylantirish” (rus. “Отражение по горизонтали”) buyrug`i tanlanadi. “Redaktirovaniye” rejimiga o`tib kursor va “Alt” tugmalari kombinatsiyasi yordamida detallar birlashtiriladi. Gorizontal menyudan - “Detallarni birlashtirish” (“rus. “Объеденить детали”) buyrug`i tanlanadi. Tizim detallarni birlashtirib beradi (25- rasm).