Yengil sanoat mahsulotlari bozorida korxonalar raqobatbardoshligini oshirish yo‘llari surxondaryo viloyati misolida

Birinchi bob bo‘yicha xulosa

O‘zbekistonda yengil sanoat iqtisodiyotning muhim tarmog‘i hisoblanib, uning bozorida o‘ziga xos muhiti shakllangan. Respublikada to‘qimachilik, ip yigirish, tikuvchilik, trikotaj, poyabzal va ipakchilik sohalarida 10 mingga yaqin yirik va kichik korxonalar, shuningdek, 400 dan ortiq qo‘shma korxonalar samarali faoliyat yuritmoqda. Tarmoqda 150 ming kishi ish bilan band. Biroq, O‘zbekistoning jahon to‘qimachilik va kiyim eksporti-dagi ulushi esa atigi 0,3 foizni4 tashkil etmoqda. Yengil sanoat mahsulot-larini ishlab chiqarish va eksport qilishning barqaror ustunlik qilishi, yuqori qo‘shilgan qiymatli tayyor mahsulotlarni ishlab chiqarish va jahon bozorlarida munosib raqobatlasha oladigan milliy brendlarni shakllan-tirish etarli darajada emasligi korxonalar raqobatbardoshligini oshirish imkonini bermayapti. Ushbu holatlar tarmoqda faoliyat yuritayotgan korxona-lar raqobatbardoshlik strategiyalari asosida oshirish zaruratini keltirib chiqarmoqda. 2017-2021 yillarda O‘zbekiston Respublikasini rivojlanti-rishning beshta ustuvor yo‘nalishi bo‘yicha harakatlar strategiyasida «prinsipial jihatdan yangi mahsulot va texnologiya turlarini o‘zlashtirish, shu asosda ichki va tashqi bozorlarda milliy tovarlarning raqobatbar-doshligini ta’minlash» bo‘yicha muhim vazifalar belgilab berilgan. Mazkur vazifalarning samarali bajarilishi yengil sanoat korxonalari raqobatbardoshlik strategiyalari asosida oshirish borasidagi ishlarni jadallash-tirishni talab etadi.