«yangiyul poligraph service»

PAHLAVON VA SHOIR
Hamidjon Hamidov
Mahmudning  Dehliga  safari  hind  xalqining  milliy 
bayramiga  to‘g‘ri  kelibdi.  Odatda,  bunday  ayyomlarda 
xalq  sayillari,  har  xil  tomoshalar,  musobaqalar  uyushti-
rilar  ekan.
Mahmudning  shahar  chetidagi  saroylardan  biriga 
tushganini  eshitgan  sulton  uni  ertangi  kurashda  ishti-
rok  etishi  va  yosh  saroy  pahlavoni  bilan  bellashishini 
so‘rab,  odam  yuboribdi.
http://eduportal.uz

---

91
Mahmud  yosh  bahodirning  izzat-nafsiga  shikast  yet-
kazishni  o‘ziga  ep  ko‘rmay,  bu  iltifotni  rad  etibdi.  O‘z 
marhamati  qabul  qilinmaganini  eshitgan  sulton  g‘azab 
otiga  minibdi.
Mulozimlar  bu  xabarni  Mahmudga  yetkazib,  kurash-
da  ishtirok  etishini  o‘tinib  so‘rabdilar.  U  rozilik  bildiribdi.
Odatda,  bunday  musobaqalardan  oldin  Mahmud 
ulug‘larning  qadamjolarini  ziyorat  qilar  ekan.  O‘sha  ke-
cha  ham  shahardagi  qabristonni  ziyorat  qilib  yursa,  bir 
ayol  erining  qabrini  quchoqlab:  «Ey  xudo,  ikki  bolam 
va  erimni  olding,  ertangi  kun  maydonda  yolg‘iz  o‘g‘lim-
ning  qo‘lini  baland  qilgin»,  —  deb  nola  chekayotgan 
ekan.  Mahmud  bu  xotin  sulton  saroyidagi  pahlavonning 
onasi  ekanligini  sezibdi.
Ertasi  kuni  kurash  maydonida  Mahmud  o‘zini 
juda  zaif  va  lapashang  qilib  ko‘rsatibdi.  Yosh  baho-
dir  ikki-uch  davradan  keyinoq  Mahmudni  chirpirak  qilib 
ko‘tarib  uribdi.  Sulton  bu  g‘alaba  sharafiga  katta  ziyofat 
beribdi.  Tantanalardan  so‘ng  hokim  boshchiligida  arko-
ni  davlat:  barcha  xizmatkorlar,  mehmonlar  fillarga  minib 
o‘rmon -ga  —  ovga  jo‘nashibdi.
Changalzorlar  orasidan  ketayotganda  bexosdan  sul-
ton  taxtiravoni  o‘rnatilgan  fil  botqoqqa  botib  qolibdi. 
Ko‘p  urinishibdi,  filni  loydan  chiqaza  olishmabdi.  Shun-
da  Mahmud  xizmatkorlarga  filning  oldingi  oyoqlari  ora-
sini  kovlab  bo‘shatishni  buyuribdi.  Shunday  qilishibdi.
Bo‘shliqqa  katta  bir  kundani  tashlabdilar.  Mahmud 
ana  shu  kunda  ustiga  tushib,  fil  oyoqlari  orasiga  yel-
kasini  qo‘yib,  bir  zo‘r  bilan  ikki  oyog‘ini  botqoqdan 
bo‘shatibdi,  fil  o‘zini  o‘nglab,  halokatdan  qutulibdi.
http://eduportal.uz

---

92
Hamma  mehmonning  qudratiga  ofarinlar  aytibdi.  Ov-
dan  so‘ng  yana  ziyofat  boshlanibdi.  Gap  orasida  sulton 
Mahmuddan:
—  Kecha  maydondagi  zaifli gingiz  bilan  bugungi  ja-
soratingizni  qanday  tushunsa  bo‘ladi?  —  deb  so‘rabdi.
—  Ey,  oliyhimmat  sulton!  Bu  yigit  —  bir  bevaning 
yagona  farzandi,  istiqboli  porloq  pahla von,  lekin  hali 
tajribasiz.  Men  u  bilan  olishib,  mayib  qilib,  umriga  zo-
min  bo‘lishni  istamadim.  Ammo  siz  g‘azablanganingizdan 
so‘ng  kurash  tushishga  rozilik  bergandim,  —  debdi  u.
—  Tilang  tilagingizni,  nima  istasangiz,  muhayyo  qila-
man,  —  debdi  sulton.
—  Menga  hech  narsa  kerak  emas.  Sizning 
zindoning izda  200  dan  ortiq  yurtdoshim  asir  ekan, 
o‘shalarni  ozod  qilsangiz,  Vatanimga  birga  olib  ketsam, 
bas,  —  debdi  Mahmud.
Sulton  bahodirga  ot-ulov,  sarpolar  beribdi  va  asirlar-
ni  hibsdan  bo‘shatibdi.  Mahmud  vatandoshlari  bilan  Xo-
razmga  qarab  yo‘l  olibdi.
1. Pahlavon  Mahmud  nima  uchun  yosh  bahodir  bilan  ku-
rash  tushishni  xohlamaydi?
2. Pahlavon  Mahmudning  kurashda  yosh  bahodirdan 
yengilishi  sababi  nimada  deb  o‘ylaysiz?