Yangi o’zbekiston uchinchi renessans

Ikkinchi Renassans- Amir Temur va Temuriylar davriga tog’ri kelib, nafaqat Movarounnahr, balki butun Markaziy Osiyo o’lkalari o’z taraqqiyotining yangi pog’onasiga ko’tarildi. Bu davrda davlatchilik asoslari takomillashib, shaharsozlik va me’morchilik avj oldi, xalqaro savdo va diplomatik aloqalar jadallashdi. Shuningdek, bu davrda fan, madaniyat va san’at sohalarining rivojlanishi hamda tafakkur doirasining yuksalishi namoyon bo’ldi.
O’zbekiston Respublikasi Mustaqilligining 29 yillik tantanalarida O’zbekiston Respublikasi Prezidentining: “Xalqimizning ulug’vor qudrati jo’sh urgan hozirgi zamonda O’zbekistonda yangi bir uyg’onish- Uchinchi Renessans davriga poydevor yaratilmoqda”, - degan so’zi yangradi.
Buyuk bobokalonlarimiz “ jadidchilik” , ya’ni, yangilanish va erkinlik, adolat va tenglik, ilm- ma’rifat va milliy o’zlikni anglash g’oyalarini bayroq qilib, kurash maydoniga chiqqanlarini biz yaxshi bilamiz. Bu ulug’ zotlarning maqsadi- jaholat va qoloqlik girdobida qoli ketayotgan Turkiston xalqini dunyoviy ilm – fan, ilg’or kasb – hunarlar bilan qurollantirib, umumbashariy rivojlanish yo’liga olib chiqishdan iborat edi. Afsuski, o’sha davrdagi tuzum ularning orzu- istaklarini amalga oshirishga imkon bermadi. Lekin ularning orzu- niyatlari xalqimizning qon – qonida , tarixiy xotirasida saqlanib qoldi va hanuz yashamoqda.

XULOSA: Vaqt o’tishi bilan islohot jarayonlari tobora kengayib bormoqda, shiddatli zamon yanada ulkan vazifalarni qo’ymoqda. Hayotning o’zi bizni ko’p narsaga o’rgatmoqda. Shu sababli biz doim izlanishdamiz. Yangi O’zbekiston butun O’zbek xalqining, o’tgan asrlarda yashab o’tgan ulug’ siymolarimizning azaliy orzusi, mehnatlari mahsuli sifatida butun dunyoga tanilishida yosh avlodning o’rni beqiyosdir. Yuqorida aytib o’tganimdek bugungi imkoniyatlar , islohotlar davrida oliy maqsad yo’lida birlashib harakat qilishda davom etar ekanmiz, biz albatta, maqsadimizga erishamiz! Izlanish bor joyda yutuqlar bilan birgalikda kamchilik va nuqsonlar ham bo’lishi tabiiydir. Eng asosiysi Harakatda – barakat!

FOYDALANILGAN ADABIYOTLAR: “ Yangi O’zbekiston Uchinchi Renessans ostonasida - Oyina .uz
O’zbekistonda yangi uyg’onish- Uchinchi Renessans – Xalq so’zi
Shavkat Mirziyoyevning matbuotga bergan intervyusi
Prezident asarlari - ARM
Shavkat Mirziyoyevning “ Yangi O’zbekiston strategiyasi” kitobi
“ O’zbekiston tarixi “ darslik