Yangi davr arab adabiyoti

Bizm  (1887-1955)  ijodlarida  Amerikadagi  arab  muhojirlari  adabiy  maktabi  ta’siri  seziladi. 
Mamlakatni fransuz kolonizatorlaridan ozod etish, arab birligi g‘oyasi, arablar o‘tmishini ulug‘lash, 
Suriya  tabiati  va  shaharlarini  tasvirlash  ular  ijodining  yetakchi  mavzulari  edi.  Bu  mavzularni 
rivojlantirib, ular mamlakatlarida mashhur bo‘lgan o‘rta asr shoirlari merosiga murojaat qildilar: al-
Mutannabiy (1015-1065), al-Buxturiy (821-897), Abul Alo al-Maariy (973-1057) merosiga murojaat 
qildilar. 
Ular  she’riyatining  shakli  an’anaviy-mumtoz  qasida  va  muvashshah  edi.  Amerikadagi 
muhojir  shoirlar  ta’siri  antiklerikalizm  ohanglarini  yuzaga  kelishida,  romantik  simvolika  paydo 
bo‘lishida, til va uslub soddaligi va aniqligida yaqqol ko‘rindi. 
Suriya xalqining 1925-1927 yillardagi milliy-ozodlik qo‘zg‘oloni paytida bu shoirlar ana shu 
qo‘zg‘olonning  jarchisi  bo‘ldilar,  varaqalar  shaklida  tarqatilgan  she’rlari  dahshatli  siyosiy  qurol 
vazifasini  o‘tadi.  Mashhur  liriklar  Umar  Abu  Risha  va  Vasfi  al-Kurunfuliy  katta  avlodning 
merosxo‘ri  bo‘lib  adabiyotga  kirib  keldilar.  Ularning  ijodi  20  va  40-yillarga  to‘g‘ri  keldi.  Ilgari 
she’riyatning asosiy mazmunini belgilovchi grajdanlik mavzulari bu yillarda ko‘proq nasriy shaklda, 
asosiy novellada o‘z ifodasini topdi. Omar Abu Risha she’riyati arab kitobxoni xotirasiga o‘rta asr 
shoiri, muhabbat lirikasining ustasi Omar Ibn Abu Robi’a (644-712) g‘azallarini eslatadi. Kurunfuliy 
ijodida,  aksincha,  fransuz  simvolistlarining  ta’siri  seziladi.  Ayni  chog‘da  Suriya  mumtoz  an’anasi 
ta’siri poeziyada o‘z kuchini saqlab qoldi: chunki bu yerda Misr va Livandan farqli o‘laroq shoirlar 
shevada yozmaydilar. 

---

 
57