Якуний назорат саволлари

Савол

Молиявий ва бошқарув ҳисоби, унинг моҳияти, мақсади ва вазифалари.
Бухгалтерия ҳисоби - бу корхона фаолияти тўғрисидаги маълумотларни рўйхатдан ўтказиш, таҳлил қилиш ва умумлаштириш учун тартибли тизим. У қуйидаги ҳаракатларни ўз ичига олади:
операцияларни таҳлил қилиш ва бухгалтерия китобларига маълумотларни киритиш
молиявий ҳисоботда тақдим этиш учун маълумотни умумлаштириш
Молиявий ҳисобот хўжалик юритувчи субъект алоҳида мустақил хўжалик юритувчи субъектлиги ёки хўжалик юритувчи субъектларнинг консолидациялашган гуруҳига киришидан қатъи назар шу хўжалик юритувчи субъектнинг маълум бир даврдаги фаолиятини тавсифловчи молиявий ахборотни тақдим этиш усулидир.
Бошқарув ҳисоби – хўжалик юритувчи субъектнинг муаммоларини ҳал этиш ва истиқболдаги ривожланишини таъминлашга қаратилган тезкор (оператив) бошқарув қарорларини қабул қилиш учун харажатлар ва даромадлар ҳисоби, меъёрлаштириш, режалаштириш, назорат ва таҳлил тизимини ифодаловчи релевант маълумотларни бир тизимга солади.
Молиявий ҳисоботлар мақсади бўлиб иқтисодий қарорлар қабул қилиш учун кенг фойдаланувчилар доирасига зарур бўлган хўжалик юритувчи субъектнинг молиявий ҳолати, унинг фаолияти кўрсаткичлари тўғрисида ва пул маблағларининг ҳаракати ҳақида ахборотни тақдим этиш ҳисобланади.
Молиявий ҳисобот - бу компаниялар эгаларига уларга ишониб топширилган ресурсларни бошқариш самарадорлиги бўйича директорларнинг ҳисоботи. Менежерлар уларнинг фаолияти оладиган қиймат билан қизиқишади. Шунингдек, улар қўшимча маблағларнинг мавжудлиги молиявий ҳисобот натижаларига боғлиқлигини тушунадилар. Бундан ташқари, менежерлар молиявий ҳисоботлардан фойдаланиб, ўзларининг натижаларини соҳадаги бошқа компаниялар билан таққослашлари мумкин.
Молиявий ҳисоб фойдаланувчиларнинг турли гуруҳларига молиявий ҳолат, операциялар натижалари ва компаниянинг молиявий ҳолатидаги ўзгаришлар тўғрисида маълумот беради. Унинг асосий мақсади - компания раҳбарияти эгалари томонидан ишониб топширилган ресурсларни қанчалик самарали бошқаришини кўрсатадиган молиявий ҳисоботларни тайёрлаш.