Xxi аср биотехнология ютуқлари ва истиқболи

Озиқа мухитлари таркиби
Микроорганизмлар ривожланишида уларнинг ҳужайра цитоплазмасида ва ташқи муҳит таркибида ноорганик бирикмалардан фосфор, калий, кальций, магний, олтингугурт, темир, марганец, рух, мис, молибден ва б. бўлиши шарт. Чунки микро- ва макроэлементлар баъзи ферментлар таркибига киради, осмотик босим ва pH ни тутиб турувчи буфер сифатида (фосфорли ва бикарбонатли буферлар) ёки ҳужайра цитоплазмасида гидрофилликни бошқаради.
Озиқа мухитлари таркиби
Углерод, кислород, водород ва азот органик бирикмаларнинг асосий элементлари хисобланади.
Фосфор – ҳужайрадаги нуклеопротеидлар, нуклеин кислоталар, полифосфатлар, фосфолипидлар каби асосий бирикмалар таркибига киради.
Олтингугурт - ҳужайрадаги энергетик жараёнларда иштирок этади, ҳамда физиологик фаол бирикмалар таркибига киради (оқсил, фермент ва коэнзимлар). Олтингугуртсиз оқсил синтези рўй бермайди, моддалар алмашинуви бузилади. Озиқа мухитларида олтингугурт манбаси сифатида ноорганик сульфатлар ишлатилади.
Калий эса организмда биринчи ўринда каталитик функцияни бажариб, баъзи ферментларнинг (амилаза, инвертаза) активатори хисобланади.
Кальций ионлари реагент сифатида фосфор кислота қолдиғи билан бирикиб мухитнинг фаол кислоталигини (мухитнинг рН и) бошқаради.
Магнийнинг асосий функцияси – микроорганизмларни ўсиши ва нормал моддалар алмашинувида иштирок этувчи ферментларни фаоллаштиради.
Озиқа мухитлари таркиби
Микроэлементлар (темир, мис, рух, марганец, молибден, кобальт ва б.) ҳужайра ичидаги моддалар алмашинувида ва метаболизм жараёнида иштирок этувчи ферментлар таркибига киради. Темир цитохромлар тизимида кислород активатор ферментлари таркибига киради. Мис баъзи специфик ферментлар билан бирикиб бир қатор ферментлар тизимини ҳосил қилади (полифенолксидазалар, аскарбинооксидазалар, нитратредуктазалар, альдегидоксидазалар ва б.). Рух фосфатазалар, аналазалар, полипептитазалар тузилмаларини ҳосил қилишда иштирок этади, оксидланиш-қайтарилиш жараёнларида углеводли, азотли ва фосфорли алмаштнувини бошқаради. Марганец ҳам кўпгина ферментлар таркибига киради (карбоксилаза, протеиназа, фосфорилаза). Кобальт эса микроорганизмлар метаболизмининг ҳар хил томонларида ва айниқса антибиотиклар ҳосил бўлишида иштирок этади.