Xx asrning oxirgi o’n yilligi va XXI asr boshlarida xalqaro munosabatlar. Reja: Kirish. I bob. “Sovuq urush” barham topgandan keyin xalqaro maydonda yuz bergan jarayonlar

Mavzuning davriy chegarasi. Mavzuning davriy chegarasi xususida so’z yuritadigan bo’lsak, uning boshlanish davrini 1991-yil bilan bog’lash mumkin. Mavzu o’z tarkibida aynan 1991-yildan bugungi kunga qadar bo’lgan davr ichida xalqaro munosabatlar tizimida yuz bergan o’zgarishlar va tarixiy jarayonlar qamrab oladi.

Mavzuning o’rganilish darajasi. Mavzu ichida yoritilgan jarayonlar insoniyatning zamonaviy tarixini tashkil etadi. Shu sababli ushbu davr tarixiga qiziqish juda kuchli hamda mavzu bo’yicha dunyoning deyarli barcha mamlakatlarida o’ziga yarasha tadqiqot ishlari amalga oshirilgan bo’lishi tabiiy hol, albatta. Ilmiy ishning ko’lami cheklanganligi bois davrning barcha hodisalarini qamrab olishning imkoni yo’q. Bu borada shuni unutmaslik lozimki, faqatgina eng muhim masalalarning mazmunini yoritish hamda xalqaro munosabatlar tarixini o’rganilishi darajasi bo’yicha yetakchi o’rinda turuvchi mamlakatlar tarixshunosligi materiallaridan foydalanish muhimdir.

Xalqaro munosabatlar tizimini chuqur o’rganish ishlari Rossiya Federatsiyasida yaxshi yo’lga qo’yilgan va bu sohada ko’plab tadqiqot ishlari amalga oshirilib, ilmiy adabiyotlar nashr etilgan. Ana shu jihatlarni hisobga olgan holda bitiruv-malakaviy ishimni yozish davomida Rossiyaning yirik shaharlari va nufuzli oliygohlari nashriyotlarida nashr adabiyotlardan keng foydalandim. Bundan tashqari, bu davr tarixi AQSh va Yevropa mamlakatlari tarixshunosligida ham chuqur o’rganilgan. Mavzuni ayrim qismlarini yozishda aynan ushbu mamlakatlarda yaratilgan adabiyotlar va maqolalardan qo’shimcha manba sifatida foydalandim. Shu jihatdan, ushbu mavzu butun dunyoda, shuningdek, yurtimizda ham yaxshi o’rganilgan.