Xx asrning oxirgi o’n yilligi va XXI asr boshlarida xalqaro munosabatlar. Reja: Kirish. I bob. “Sovuq urush” barham topgandan keyin xalqaro maydonda yuz bergan jarayonlar

Bitiruv-malakaviy ishining yangiligi. Yoritilayotgan mavzuning davriy jihatdan hali yakunlanmaganligi, ayrim muammoli masalalarning hanuzgacha aniq yechimini topmaganligi, qolaversa, ko’pgina tarixiy jarayonlarga izoh berishda ayrim qarama-qarshi qarashlarning mavjudligi sababli ushbu davr tarixi bo’yicha ko’plab tadqiqot ishlari olib borilganligi va bu jarayon izchil davom etayotganligi tabiiy hol, albatta. Shunday bir vaziyatda xorijiy manbalarga tayangan holda xalqaro munosabatlar doir umumjahon miqyosida tan olingan ma’lumotlarning milliy ilm-fanimizda mavjud bo’lgan tarixni o’rganish tamoyillariga, mamlakatimizning mustaqil tashqi siyosatining asosiy yo’nalishlari va milliy mafkuramiz prinsiplariga amal qilgan holda saralanganligi hamda o’rganilayotgan davrning eng muhim jihatlari haqida so’z yuritilganligi bitiruv-malakaviy ishimning asosiy yangiligi hisoblanadi. Ushbu davr tarixiy davrdagi xalqaro munosabatlarning mazmuniga qiziqish nafaqat ilm-fan ahliga, balki har bir kishi uchun qiziqarlidir. Shu sababli ma’lumotlarni keltirishda, tarixiy jarayonlarning yuzaga kelishi omillari, rivojlanishi hamda oqibatlari xususida batafsil ma’lumotlar berishga harakat qildim. Sababi, xalqaro munosabatlar tizimida sodir bo’lgan muhim hodisalarning yuzaga kelish omillariga e’tibor qaratmay turib, masalaning asl mazmuniga baho berish mushkuldir. Bitiruv-malakaviy ishimni yozish davomida muhim masalalarga yangicha nuqtayi nazardan yondoshganligim asosiy yangilikdir.