Xx asrning 70-yillaridan boshlab yer tabiiy boylik manbalarini kosmik

XULOSALAR
1. Kosmik tasvirlar asosida tuproq qoplamlarining o‘rganishi, tahlili
hamda andazaviy kataloglarning umumiy tizimini ishlab chiqish natijalaridan
agroekologik amaliy masalalarni hal etish maqsadida yangi operativ o‘rta va
katta masshtabdagi xarita va atlaslar, masalan, "Tuproqning agroekologik
holati", "Sug‘oriladigan tuproqlar unumdorligi atlasi" tuzishda keng
foydalanish mumkin. Bular sug‘oriladigan, lalmi yerlar va yaylovli-o‘tloqlarni
davlat monitoringi tashkil qilishda va nazoratida bo‘lishini ta’minlaydi.
2. Kosmik tasvirlardan foydalanish istiqbolda tuproqlarning yangi
maydonlarini kashf etish, o‘zlashtirish uchun yaroqli (sug‘orish, terrasalash
va boshqalar) yerlarni topish imkoniyatini beradi va yerlarni
melioratsiyalash, sho‘rlangan maydonlarni yuvish, sizot suvlarining sathini
pasayishiga erishish va sug‘oriladigan hududlarda tuproqlarning
unumdorligini oshirish va qishloq xo‘jalik madaniy ekinlarning hosildorligini
ko‘tarish maqsadida hamda boshqa bir qator agromeliorativ tadbirlar ishlab
chiqishda aniq ko‘rsatmalar beradi.
3.Tasvirlarni o‘rganish, belgilash natijalari shuni ko‘rsatadiki, ularda
barcha tuproq poyaslari va ularning asosiy hududlari, mintaqalari aniq va
ob’ektiv ravishda ko‘rsatilib, tuproqlarning vertikal va gorizontal zonalarning
tuzilishini, xususiyatlarini va xossalarini izohlaydi. Bu esa tuproqshunoslikekologik rayonlashtirish ishlarini qayta ishlab chiqishda, ko‘p muddatli va
muntazam kompleksli agromeliorativ tadbirlarni turli tabiiy xo‘jalik
landshaftlarida, xususan yer resurslarini asrash, muhofaza qilish ishlarini
maqsadli olib borish uchun katta imkoniyatlar yaratadi.
4. Tuproq qoplamlarining andazaviy katalog tizimlarini kosmik tasvirlar
ma’lumotlari asosida ishlab chiqish kam o‘rganilgan tog‘li sur tusli jigarrang,
tog‘li jigarrang ishqorli, tog‘li sur tusli jigarrang sug‘oriladigan, sug‘oriladigan
jigarrang o‘zlashtirilgan, tog‘li o‘rmon tuproqlar; baland tog‘li o‘tloqli-dashtli
tuproqlar, baland tog‘li cho‘lli, baland tog‘li dashtli, baland tog‘li zangli va
baland tog‘li o‘tloqli tuproqlarning umumiy areallari va shakllanish shartsharoitlarini aniqlash bilan birgalikda Markaziy Osiyoning olis tog‘li va baland
tog‘li regionlarda tarqalgan boshqa tuproqlar turlarini kosmik tasvirlarda,
ularning fototoni, tuzilma va teksturasi bo‘yicha ishonchli ravishda qoplash
va aniqlashda imkoniyat yaratadi.