Xorazm ma’mun akademiyasi axborotnomasi – /2019 Ўзбекистон республикаси фанлар

XORAZM MA’MUN AKADEMIYASI AXBOROTNOMASI – MAXSUS SON_____
 
31
Қурилиш материаллари ишлаб чиқариш корхоналарининг бозордаги рақобат вазиятини белгилаб 
берувчи яна бир муҳим омиллардан бири бу маркетинг тадқиқотларига асосланган замонавий 
бошқарув тамойилларидан ва усулларидан фойдаланишдир [2].
Бозорни ўрганиш ва унинг шартларига мослашиш ёрдамида қурилиш материаллари ишлаб 
чиқариш корхоналарининг рақобатбардошлигини оширишга йўналтирилган тадбирлар мажмуасини 
маркетинг сифатида қараш мумкин. Маркетинг – бу бозорни таҳлил қилиш асосида маблағ тушумини 
ташкил қилиш ва муайян талабгорларнинг талабларини қондиришга йўналтирилган, маркетинг 
дастури ёрдамида бозорда савдо қилиш тактикаси ва стратегиясини ишлаб чиқаришни ташкил қилувчи 
комплекс тизим ҳисобланади [3]. Қурилиш материаллари ишлаб чиқариш корхоналарининг 
рақобатбардошлигини таъминлашга йўналтирилган маркетинг тадқиқотларининг самараси, албатта 
маркетинг хизматларининг ташкил қилиниши билан боғлиқдир.
Қурилиш материаллари ишлаб чиқариш корхоналари маркетинг хизматини ташкил этилиши 
қуйидаги шаклларда бўлиши мумкин: 
• қурилиш материаллари маркетинги хизматининг махсус вазифалари – бозорни ўрганиш, 
товар ҳаракати, баҳо, талабнинг шаклланиши, сотишни рағбатлантириш ва бошқаларнинг 
бажарилишини уюштириш шаклида; 
• қурилиш материаллари маркетинги вазифаларини бозорлар бўйича ижро этиш шаклида; 
• қурилиш материаллари маркетинги вазифаларини корхона маҳсулотлари ёки улар гуруҳлари 
бўйича бажариш тарзида. 
Қурилиш материаллари маркетинги хизматларини ташкил этишда икки жиҳат муҳим: мақсадлар 
ва маркетинг хизмати мақоми. 
Мақсадни танлаш. Кўпгина ташкилот раҳбарлари ҳозирги пайтда ўз корхоналарининг асосий 
мақсади сифатида энг юқори фойда олишни кўрсатадилар. Лекин бу танлов етарли даражада мақбул 
бўлмаслиги мумкин. Айтайлик, агар корхона узоқ келажакни кўзлаб иш юритаётган бўлса, бу ҳолда у 
анчагина маблағни НИОКРга, асосий сармояга, ишлаб чиқариш тайёргарлигига ва кадрлар малакасини 
оширишга сарфлаши керак. Бу тадбирларнинг ҳаммаси қурилиш материаллари ишлаб чиқариш 
харажатларини кўпайтиради ва фойданинг камайишига олиб келади. Катта фойда олиш, яқин 
келажакда фойдани кўпайтиришга бўлган ёндашиш ҳар доим ҳам узоқ муддатли ривожлантиришни 
таъминламаслиги мумкин.