Xodimlarini qayta tayyorlash va ularning malakasini oshirish hududiy markazi

MUSTAQIL TA'LIM MAZMUNI

Modulga oid o‘rganilgan materiallar asosida “Ona tili darslarida bilim, ko‘nikma, malakalarni nazorat qilishning zamonaviy texnologiyalari”, “Savod o‘rgatish davrida o‘qishga o‘rgatishdagi muammolar” mavzulariga oid mustaqil ish bajariladi.
Fanlardan darslarni kuzatish va tahlil qilishda quyidagilarni:
ko‘rgazmali, namunaviy, hisobot darslari va ularga qo‘yilgan talablar asosida darsni tahlil qilish.
Darsni baholash mezonlari: 1) o‘qituvchining darsga tayyorgarligi tahlili (dars ishlanmasi, taqvim-mavzu reja, o‘quv dasturi, darslik, dars taqdimoti, ko‘rgazmali qurollar, tarqatma materiallar va h.k.larni oldindan hozirlab qo‘yilganligi), 2) dars mazmuni tahlili (dars maqsadining to‘g‘ri belgilanganligi, mavzuning boshqa fanlar bilan bog‘langanligi, dars mavzusini mustahkamlash uchun berilgan topshiriqlarning to‘g‘ri tanlanganligi, o‘qituvchining o‘z fanini qanchalik mukammal bilishi), 3) darsning uslubiy tahlili (o‘qitishning turli usullaridan to‘g‘ri va o‘rnida foydalanganligi, darsning interfaollik darajasi (o‘quvchilarni faollashtiradigan guruhlarda yoki mustaqil ishlashiga sharoitning qanchalik yaratilganligi), dars vaqtining to‘g‘ri taqsimlanganligi, o‘quvchilarning darsdagi guruhiy yoki mustaqil ishining to‘g‘ri tashkil qilinganligi, o‘quv materiallarining tabaqalashtirilganlik darajasi (yaxshi va qiyin o‘zlashtiradigan o‘quvchilarga munosabat), 4) o‘qituvchining pedagogik mahorati tahlili (o‘qituvchining dars mavzusini ravon tilda tushuntira olishi, o‘qituvchining darsda o‘zini dadil tuta olishi, motivatsiya (o‘quvchilarni ta'lim olishga undash) va uni rag‘batlantirib borishi, dars davomida ijodiy, ta'limiy muhitni yarata olganligi, darsga oid ko‘rgazmali qurollar, jihozlar va asboblardan o‘rnida foydalanganligi, o‘quvchilarning faolligi), 5) darsda darslik va boshqa qo‘shimcha o‘quv materiallaridan foydalanish tahlili (darsda darslikdan samarali foydalanish darajasi, qo‘shimcha o‘quv materiallaridan foydalanish darajasi), 6) darsda AKT va ta'limning boshqa vositalaridan foydalanish tahlili (o‘qituvchining proektor, multimedia va boshqa texnik vositalardan foydalana olish darajasi, o‘qituvchining tayyorlagan taqdimot sifati yoki o‘quv doskasidan samarali foydalana olishi, taqdimot sifati yoki mavzu asosiy momentlarining doskaga yozib borilishi), 7) darsda yaratilgan ta'limiy muhit va munosabatlar tahlili (o‘qituvchining o‘quvchilarga nisbatan munosabati: xushmuomalaligi, til topa olishi, o‘quvchilarning bir-birlariga nisbatan munosabati: o‘zaro yordam, hurmat, hamjihatlik, o‘quvchilarning o‘qituvchiga nisbatan munosabati: hurmat, intizom, eshitish), 8) Baholash va darsga yakun yasash tahlili (o‘quvchilarning dars davomida bilim va ko‘nikmalarining to‘g‘ri baholab borilishi, baholash topshiriqlarining dars maqsadidan kelibchiqib tuzilganligi, dars oxirida darsga yakun qilinishi, reflektsiya) asosida darsni kuzatish va uni didaktik (ta'limiy) va uslubiy tahlil qilish.
Mazkur mashg‘ulot umumiy o‘rta ta'lim muassasalarining boshlang‘ich sinflarida o‘tkaziladi. Unda o‘tkazilgan dars tinglovchilar tomonidan tegishlimezonlar asosida tahlil qilinadi. Ilg‘or pedagogik tajribaga ega bo‘lgan o‘qituvchilarning ish tajribasi o‘rganiladi. Bu jarayonga ko‘chma mashg‘ulot tashkil qilingan boshlang‘ich sinf o‘qituvchilarini jalb etish, ularning darslarini tahlil qilish orqali ularga metodik yordam ko‘rsatish ham ko‘zda tutiladi. Mashg‘ulot natijasi sifatida ochiq darsni kuzatish va tahlil qilish varag‘i to‘ldiriladi va malaka ishiga ilova qilinadi.