Xizmat ko’rsatish texnikasi

Moy filtrlarining turlari

Dag‘al tozalash filtrlari. Moyni yirik mexanik zarrachalardan va smola quyqalardan tozalash uchun dag‘al filtrlardan foydalaniladi. Filtrlovchi element sifatida mayda sim-to‘r ishlatiladi.

Mayin tozalash filtrlari. Zamonaviy avtomobil dvigatellarida mayin filtr sifatida tirqishli yoki markazdan qochma tozalash filtrlaridan foydalanilmoqda. Bunday filtrlar moyni 1-2 mkm gacha bo’lgan mexanik zarrachalardan to’la tozalaydi. Shuningdek, smola va moy quyqalarini ham ushlab qoladi. Tirqishli filtrlarda almashtirib turiladigan tozalovchi elementi sifatida lentali-qog‘oz, maxsus karton yoki karton disklar to‘plami va boshqa materiallardan foydalaniladi.

Sentrifuga. Markazdan qochma moy filtrlari (sentrifugalar) asosan yuk avtomobillarida keng qoilaniladi. Bunday filtrlar reaktiv yuritmaga ega bo‘lib, qarama-qarshi yo‘nalishda bosim ostida chiqayotgan moy oqimi ta’sirida aylanma harakatlanadi

Moy radiatori, dvigatelning ishlashi natijasida qizigan moy haroratini me’yorida saqlash uchun kerak bo’ladi. Moy radiatorlari asosan yuk avtomobillarida qo’llaniladi, chunki ular ko‘pincha og‘ir yo’l sharoitlarida ishlaydi.

Sovutish tizimi

Ish yo‘li taktida, to‘g‘ridan-to‘g‘ri yuqori haroratga ega gazlar ta’sirida bo‘lgan detallar haddan tashqari qiziydi. Yonilg‘ining silindrda yonishidan ajralgan issiqlikning 20-25% I dvigatel detallarining qizishiga sarflanadi. Agarda detallardan issiqlik tashqi muhitga tarqatilmasa, ya’ni dvigatel sovitilmasa, unda harakatdagi detallarning ishqalanuvchi yuzalari orasidagi moy kuyib,

ishqalanishni haddan tashqari orttirib yuboradi. Ayniqsa, aluminiyli qotishmadan ishlangan porshenning qizishi va kengayishi oqibatida, uning silindr ichida qadalib qolishi xavfi ham tug‘iladi. Dvigatelda issiqlikni majburan tashqi muhitga tarqatish suyuqlik (suyuqlik bilan sovitish tizimi) yoki havo (havo bilan sovitish tizimi) bilan amalga oshirilishi mumkin.