Xizmat ko’rsatish texnikasi

Moylash uslublari

• 
  Sachratib moylash;
  
• 
  Bosim ostida majburiy moylash;
  
• 
  Aralash moylash
  

Sachratib moylash dvigatelning ishqalanuvchi detallariga yetarli miqdorda moyni yetkazib bera olmaydi. Bosim ostida majburiy moylash tizimi esa tizimni murakkablashtirib yuboradi. Shuning uchun zamonaviy avtomobil` dvigatellarida asosan aralashgan moylash tizimi qo'llaniladi.


Zamonaviy avtomobil dvigatellarida asosan kombinatsiyalashgan moylash tizimi qo’llaniladi. Bunday moylash tizimida zo’riqib ishlaydigan detal yuzalariga moy bosim ostida majburiy yuboriladi.

Bunday yuzalarga tirsakli va taqsimlash vallarining podshipniklari, koromislo vtulkalari kiradi. Qolgan ishqalanuvchi yuzalarga sachratish va tomchi usuli bilan yuboriladi. Unday yuzalarga silindr devorlari, porshen va porshen halqalari, porshen barmoqlari, taqsimlash valining mushtchalari, turtkichlar, klapanlar sterjeni kiradi. Kombinatsiyalashgan moylash tizimiga quyidagi mexanizm va tuzilmalar kiradi: moy saqlagich, moy qabul qilgich, moy nasosi, moy filtrlari, moy radiatori, moy kanallari, moy klapanlari. Moy filtrlari moyni, dvigatel detallarining yeyilishi natijasida hosil bo ladigan metall zarrachalari, shuningdek, chang va moyning eskirishi natijasida hosil bo‘ladigan turli oksid moddalari va boshqa ifloslantiruvchi elementlardan tozalaydi. Organik va noorganik zarrachalar bilan ifloslangan moy, detallarning ishqalanib ishlaydigan yuzalarining tez yeyilishiga sabab bo’ladi. Moy kanallarini ifloslantiruvchi smola va moy quyqalari bilan to‘lib qolishiga olib keladi.