Xiva pedagogika kolleji

Maktabgacha ta’lim muassasasining ta’lim-tarbiyaviy ishlar sohasidagi huquq va burchlari. Maktabgacha ta’lim muassasasi ta’lim- tarbiyaviy muassasa bo’lib, ijtimoiy vazifalar bilan bir qatorda bolalarga maktabgacha ta’lim konsepsiyasiga asoslangan o’z Nizomi va Dasturiga muvofiq malakali ta’lim va tarbiya berilishini ta’minlaydi.

Pedagogik jarayon barcha qatnashchilarining aniq huquq va burchlari maktabgacha ta’lim muassasasining Nizomi, ichki mehnat kun tartibi qoidalari, mansab yo’riqnomalari, ota-onalar qo’mitasi haqida Nizom bilan belgilanadi.

3. Maktabgacha ta’limni rejalashtirish va moliyaviy ta’minlash. Respublika xalq xo’jaligi rejasi asosida maktabgacha ta’lim muassasalarini loyihalashtirish, rejalash belgilanadi. Maktabgacha ta’lim muassasasi o’z faoliyatida O’zbekiston Respublikasi Xalq ta’limi vazirligi, Qoraqalpog’iston Xalq ta’limi vazirligi tomonidan o’tkazilayotgan yagona siyosiy prinsiplarga amal qiladi. U budjet, banklar, ta’minotchilar va boshqa kontraktlar, shuningdek, tasarrufida turgan xalq ta’limi bo’limlari, korxonalar, muassasalar, tashkilotlar oldidagi o’z majburiyatlarini vaqtida bajarilishi uchun mas’uldir.

Rejalashtirish istiqbol va joriy turlardan iborat. Istiqbol rejalashtirish 10 yoki 5 yillarga mo’ljallanadi. Bu xalq ta’limi moliyaviy-iqtisodiy bo’limlarida va uzoq muddatga mo’ljallangan rejalarda aks etadi. Joriy rejalashtirish har yili amalga oshiriladigan moliyaviy xo’jalik ishlaridir.

Maktabgacha ta’lim muassasasi reja, moliya, mehnat intizomiga va pedagogik mehnat intizomiga qat’iy rioya qilishga majburdir. Rejalashtirish Xalq ta’limi vazirligi, Moliya vazirligi, Sog’liqni saqlash vazirligi, tomonidan ishlab chiqiladi.

Maktabgacha ta’lim muassasasi yerdan, suvdan foydalanish, tabiatni muhofaza qilish, qurilish, ijtimoiy sohani rivojlantirish, mehnat resurslaridan foydalanish, xodimlar soni va maktabgacha ta’lim muassasasi huquqi doirasidan tashqariga chiqadigan boshqa sohalar bo’yicha o’z rejasini xalq deputatlari kengashi bilan muvofiqlashadi.

Davlat maktabgacha ta’lim muassasasi budjet yoki tarmoq moliya prinsipi asosida faoliyat ko’rsatadi. Maktabgacha ta’lim muassasalari vazirliklar, idoralar, xalq deputatlari kengashlari ko’rsatmasiga binoan ularga bo’ysungan korxonalar, muassasalar, xalq deputatlari tomonidan rejada belgilab berilgan bolalar kontingenti doirasida to’ldiriladi.