Ximiyani oqitiw metodikasi pa`ninin` tiykarg`ɪ maqseti. Reje

Oqiwshilarda dialektikaliq-materialistikaliq dun`ya ko`z qaras tiykarlarin payda etiw.
Zatlar, olar quramindag`i ximiyaliq elementler, ximiyaliq o`zgerisler ha`m
zatlardin` bir-birine aylaniwina tiykarlanip oqitiwshi ilimiy dialektikaliq-materialistikaliq dun`ya ko`z qaraslari a`hmiyetli tamanlarin oqiwshilarg`a aship beredi, yag`niy ta`biyatti bir-birinen ajiralg`an ha`m bir-birine baylanisli bolmag`an zatlardi, qadiyselerdin` shamalap aling`an toplami dep emes, al baylanisqan, bir pu`tin dep qaraw ekenligin oqiwshilardi isendiredi.
Oqiwshilar ximiya kursinin` ko`plegen misallarinda (atom ha`m molekulalar,
okisleniw-qa`lpine keliw reaktsiyalari amfoterlik ha`m basqa misallarinda) zatlardin` o`zinde ha`m bul zatlardi payda etken bo`lekshelerde ishki qarama-qarsiliqlar bolip o`tetug`inin, usi qarama-qarsiliq gu`resi zatlardi sipat tamaninan o`zgeriwine alip keletug`inin bilip aladilar: oqiwshilar ximiyaliq protsesslerde o`z qa`siyetleri tamaninan qarama-qarsi bolg`an reagentlerdin` metallar menen metalloidlardin`, kationlar menen anionlardin`, kislotalar menen tiykarlardin` ha`m usi siyaqlilardin` o`z ara ta`sir etiwin ko`rip baradi. Solay etip oqitiwshi ximiyani oqitiw protsessinde dialektikaliq-materialistikaliq dun`ya ko`z qaraslardin` tiykarg`i ideyalarin:
a) ta`biyattag`i zat ha`m qadiyselerdin` o`z ara baylanisli ekenligin;
b) ta`biyattin` u`zliksiz suwrette o`zgeriwi;
v) mug`dar o`zgerislerinin` sipat o`zgerislerine o`tiwi;
g) qarama-qarsiliqlar birligi ha`m gu`resiwi tuwrisindag`i ideyalarin oqiwshig`a
aship beredi.
Oqitiwshi oqiwshilarg`a ta`biyatqa uliwma ilimiy, metarialistikaliq ko`z qarasi:
a) dun`yanin` ob`ektivligi;
b) ta`biyattin` materiallilig`in;
v) materiyanin` man`giligi;
d) dun`yani bilip aliw mu`mkinligin belgilep beriwshi ideyalardi aste-aqirin,
pu`tin ximiya kursi dawaminda tu`sindirip baradi.


Metodikaliq prinsiplari. – Oqiwshilarda dialektikaliq-materialistikaliq dun`ya
ko`z qaraslar tiykarlarin payda etiw protsessinin` diwali ilimiy ideyanin` o`zi bolip
esaplanadi: bul jumistin` tabisli boliwi, da`slep toliq ximiyani oqitiwdin` duris
qoyiliwina baylanisli bolg`an. - Oqiwshilar zatlardin` o`zin ha`m olar menen bolatug`in o`zgerislerdi qansha tolig`i menen tu`sindirilse olardin` dialektikaliq-materialistikaliq juwmaqlari sonsha tu`sinigi duris boladi.
- Mektep ximiya kursinda tariyxiy teoriyasi ko`z qarasinda oqiwshilarda
pa`nnin` o`zi xaqqinda tuwri tu`sinikke iye boliwi en` a`hmiyetlisi bolip qaladi.
- ta`rbiya tamaninan alg`anda, ximiya kursinda zatlardin` klassififkatsiyasina
tiyisli ma`seleler ju`da` ulken rol` oynaydi.
- Oqiwshilarda dialektikaliq-materialistikaliq dun`ya ko`z qaraslar tiykarlarin
payda etiw, mayda bo`lekshelerdin` ha`m pu`tin materiyanin` o`z-o`zinen xa`reketlerin bo`lekshelerdin` mexanikaliq tu`rinde bolip qalmay, bul xa`reketleniw waqtinda bo`lekshelerdin` sekiriwi menen (tosattan) bolatug`in sipat o`zgeriwin ha`m oqiwshilarg`a da`lillep beriw ju`da` za`ru`r.
- ximiya oqitiwshisi zatlardin` sekiriwi menen (tosattan) bolatug`in sipat
o`zgeriwi protsessinin` birlik ha`m qarama-qarsiliqlar gu`resi formasinda ko`rsetiliwi oqiwshilarg`a tu`sindirilip bariwi kerek.