Ximiyani oqitiw metodikasi pa`ninin` tiykarg`ɪ maqseti. Reje

Ximiyani oqitiw metodikasi pa`ninin` tiykarg`ɪ
maqseti.
Reje:
1. Ximiya ha`m ilimiy dun`ya ko`z qarasi,materialistikaliq
ha`m idealistikaliq ko`z qaraslar.
2. Ximiya ha`m ateizm.


Tayanish so`zleri: dialektikaliq materializm, idealistikaliq ko`z qaraslar, vitalistikaliq teoriya, ateistikaliq ideyalar, O`zbekstan alimlari, dialektikaliq-materialistikaliq dun`ya ko`z qaras tiykarlari, metodikaliq prinsiplari, zatlardi bilip aliw, ximiyani oqitiw protsessi. Ximiya oqitiwshisinin` waziypasi jas awladti g`a`rezsiz Respublikamizdi quriwg`a tayarlaw menen belgilenedi. Oqiwshilardi ha`zirgi zaman bilimleri menen qurallandiriw mektebimizdin` en` a`hmiyetli waziypasi bolip ha`m bul ximiya oqitiwshisina ha`m ju`klenilgen.
Oqiwshilarg`a ximiyani oqitiw protsessinde politexnikaliq ta`lim beriw
dialektikaliq-materialistikaliq dun`ya ko`z qarasi tiykarlarin payda etiw, Watandi
qorg`aw ha`m xalqti qorg`aw ruwxinda ta`rbiyalaw mektep ha`mde ximiya
oqitiwshisinin` en` a`hmiyetli waziypasi bolip esaplanadi. Oqitiwshi oqiwshilarg`a
politexnikaliq ta`lim beriw maqsetinde:
1. Oqiwshilardi en` a`hmiyetli ximiyaliq islep shig`ariwlar menen tanistiradi,
hazirgi zaman ximiyaliq islep shig`ariwlarina tiykar bolg`an ilimiy printsiplerdi o`z
aldina ko`rsetip o`tedi.
2. Awil xojalig`i islep shig`ariwdin` ximiyaliq tiykarlarin aship beredi.
3. Oqiwshilarg`a ximiya ha`m ximiya sanaatinin` jetiskenliklerin, sonin`
menen birge, olardin` bunnan bilay tiykarinan qaysi jolda rawajlaniwin ko`rsetip beredi.
4. Ximiyanin` en` jan`a jetiskenliklerin a`meliy o`mirimizde qanday
paydalang`anlig`ina oqiwshilar itibarin qaratadi.
5. Oqiwshilarg`a en` a`hmiyetli, a`meliy o`mirimizde a`lbette za`ru`r
bolatug`in oqiw bilimlerin arttiradi.
6. Oqiwshilardi olardin` qolinan keletug`in ta`lim-ta`rbiya maqsetlerine
boysindirilg`an paydali jumislarg`a qaratiladi.