Xalqaro tijorat ishi

Sug'urta hujjatlari
Sug‘urtachi va sug‘urtalanuvchi orasidagi o‘zaro aloqani aks ettiradi. Sug‘urtachining burchi sug‘urta pulini to‘lash emas, balki sug‘urtalanuvchining turli baxtsiz hodisalardan ko‘rgan zararini qoplashdir. Sug‘urta hujjatlariga quyidagilar kiradi(rasm):

23. 
    rasm Tijorat bitimini rasmiylashtirish uchun kerakli bo'lgan
    sug'urta hujjatlari
    

Sug'urta polisi - sug’urta shartnomasini tasdiqlovchi va shartnoma shartlarini o’z ichiga olgan sug’urtachi tomonidan beriladigan hujjat bo‘lib, sug‘urtachi sug‘urtalanuvchiga muayyan to‘lovga asosan baxtsiz hodisa tufayli ko‘rgan zararini qoplash majburiyatini o‘z zimmasiga oladi. Sug‘urta polisi sug‘urta jamiyati tomonidan sug‘urtalanuvchiga u tomonidan sug’urta mukofoti to’langandan keyin beriladi.
Sug’urta polisi sug’urtani rasmiylashtirish tartibiga ko’ra bir necha hil bo’ladi va xar hil nomlanadi. Reysli polisga ko’ra sug’urtalanuvchi ob’ekt ma’lum vaqt davriga sug’urtalanadi.
Reysli sug'urta polisi tovar jo’natiladigan portda sug’urtachi va sug’urtalanuvchi yoki uning ekspeditori tomonidan imzolanib sug’urta jamiyati blankalarida rasmiylashtiriladi. Reysli polis quyidagi asosiy ma’lumotlarni o’z ichiga oladi: sug’urtalanuvchi nomi, sug’urta shartlari; sug’urta summasi miqdori (sug’urtalangan tovarning soni yoki shikastlanganida sug’urtachi tomonidan qoplanadigan miqdor); sug’urta mukofoti miqdori - sug’urtachi tomonidan sug’urtalanish uchun to’lov sifatida to’lanadi.
Bosh (Сепега1по'у) polis - sug’urtachi va sug’urtalanuvchi tomonidan uzoq muddatga tuziladigan shartnoma. Unda shartnoma muddati, sug’urtachi javobgarligi hajmi va chegarasi, sug’urta mukofoti to’lov muddati va boshqa maxsus shartlar ko’rsatiladi.