Xalqaro tijorat ishi

Texnika hujjatlari - uzoq muddat foydalanadigan keng iste’mol tovarlari va etkazib beriladigan moslamalarda talab qilinadi. Texnika hujjatida pasporti, foydalanish yo‘riqnomasi, xar hil chizmalari, ehtiyot qismlari va boshqalar ko‘rsatiladi. Texnika hujjati sotib oluvchi mamlakat tilida tayyorlanadi yoki sotib oluvchini ko‘rsatmasiga muvofiq boshqa tilda yozilishi mumkin.
Qadoqlash varag'i- xar bir tovar ko‘rsatmasida tovarlarni navi va turlarini ro‘yxati beriladi. Qadoqlash varag‘i bitta qadoqda xar hil tovarlar assortimenti berilgan holda zarur bo‘ladi. Qadoqlash varog‘ini shunday joylashtirish lozimki, uni sotib oluvchi tezda topib oladigan bo‘lishi kerak.
Taqdim etilgan tovarlarni sifati to‘g‘risidagi guvoh hujjatlarga quyidagilar kiradi: sifati tug‘risidagi sertifikat, kafolat majburiyati, sinov bayonnomasi, jo‘natishga ruxsat.
Sifati to'g'risida sertifikat - amalda taqdim etilgan tovarlar sifatining guvohnomasi va shartnoma shartlariga muvofiqligi ko‘rsatiladi. Unda tovarlarga tavsifnoma yoki tovarlar sifati ma‘lum standart yoki texnika shartlari buyurtmasiga muvofiqligi beriladi. Sifati to‘g‘risidagi sertifikatni davlat organlari, savdo palatasi, eksport va import mamlakatini maxsus laboratoriyalari berishi mumkin.
Kafolat majburiyati yoki kafolat xati ma‘lum shartnoma shartlariga muvofiqligini tasdiqlovchi hujjatdir. U jo‘natilgan moslamalarni to‘xtovsiz ishlashini kafolati bo‘lib hisoblanadi.
Sinov bayonnomasi belgilangan kun va soatda korxonada sotuvchi bilan xaridor vakillarini qatnashib borishida to‘la sinov o‘tkazilgandan keyin tuziladi. Sinov bayonnomasi sinov o‘tkazilgandan keyin buyurtmachiga yuboriladi. Sinov bayonnomasiga asosan tomonlar qabul qilish dalolatnomasiga imzo chekadilar.Jo‘natishga ruxsat sotib oluvchini vakili bilan qabul qilib olish sinovi o’tkazilib bo’lgandan keyin beriladi. Jo‘natishga ruxsatda shartnoma bo‘yicha taqdim etish sanasi o‘tkazilgan sinov sanasi, tovar jo‘natilishi mumkin bo‘lgan mamlakat ko‘rsatiladi.