Xalqaro tijorat ishi

Oldi-sotdi shartnomalarini imzolash tartibi va uni
tayyorlash

Dastlabki shartnomalarni o'tkazish
Shartnomaviy munosabatlarni o‘rnatish shartnoma tuzishga tayyorgarlik davrini o‘tkazishni nazarda tutadi. Bu davrda bo‘lajak bitim haqida dastlabki muzokaralar olib boriladi va shartnomaning asosiy shartlari kelishiladi. Bunday shartnomalar o‘zaro yozishmalar (pochta, telegraf, teletayp va faks orqali) yo‘li bilan, shaxsiy uchrashuv yo‘li bilan, telefon orqali olib borilishi mumkin. Odatda, bu usullar turli kombinatsiyalar bilan qo‘shilib ketadi, masalan, yozma usulda boshlangan muzokaralar telefon orqali yoki shaxsiy uchrashuvlarda davom ettirilishi mumkin.
Yozishma usuli buyurtmalar, talablar asosidagi bitimlarni imzolashda qo‘llaniladi.
Buyurtma berish yo‘li bilan tashqi savdo bitimlarini imzolashning asosiy afzalligi tezkorlik va tejamkorlik hisoblanadi.
Amaliy natijalarning ko‘rsatishicha, o‘z kontragentlari bilan tizimli ravishda shaxsiy munosabatda bo‘lgan firmalar doimo katta yutuqlarga erishadilar.
Mashina va uskunalar bo‘yicha shartnomalar imzolash shartnomaning ajralmas tarkibiy qismi sifatida kiritiladigan texnik- iqtisodiy shartlarga tomonlar roziligini talab etadi. Ko‘pincha bu shartlarni (injener-maslahat firmalari yordamida) xaridor ishlab chiqadi va uni sotuvchiga taklif etadi. Shartnomaning tijorat shartlari haqidagi muzokaralar, odatda, texnik shartnomalar tugaganidan keyin boshlanadi.
Oldi-sotdi shartnomalarini imzolash usullari
Xalqaro tijorat amaliyotida eksport-import bitimlarini imzolashning turli usullari qo‘llaniladi.