X. S. Xadjaev, I. A. Bakiyeva, sh sh. Fayziyev makroiqtisodiyot

Tayanch so’z va iboralar: Keynscha model, klassik model, Solou modeli, Kobb-Duglas funktsiyasi, jamg’arishning “oltin” qoidasi, optimal muvozanatli o’sish.

Nazorat savollari

1. 
   Xarrod-Domar modelining kamchiliklari nimada?
   
2. 
   Iqtisodiy o’sishning klassik modellari qachondan muvaffaqqiyatga erishdi?
   
3. 
   R.Solou modelining afzalliklari nimadan iborat?
   
4. 
   Felpsning jamg’arishning oltin qoidasini mazmuni qanday?
   
5. 
   Optimal muvozanatli o’sishning belgilarini izohlang.
   
6. 
   Iqtisodiyotni optimal muvozanatli o’sishiga qanday sharoitda erishiladi?
   

Mavzuga oid masalalar

1. 
   Mamlakat iqtisodiyoti U=AK^0.4L^0.6 ko’rinishidagi ishlab chiqarish funktsiyasi bilan ifodalangan. Kapitalning o’sish yiliga 3 foizni, bandlar sonini o’sishi 2 foizni, omillarning umumiy unumdorligi o’sishi 1,5 foizni tashkil etsa, ishlab chiqarish hajmi qanday o’zgaradi.
   

* * *

2. 
   Daromaddagi kapital hissasi 40%ni tashkil qiladi. Ishlab chiqarish omillarining umumiy unumdorligi bir yilda 3%ga, ishchilar soni esa 1,3%ga o’sayapti, iqtisodiy o’sish yiliga 6%ni tashkil etayapti. Kobb - Duglas funktsiyasi asosida kapitalning bir yillik o’sish sur’atini aniqlang.
   

* * *

3. 
   Iqtisodiyotdagi YaIM 104%ga, ishchilar soni 1,1%ga, kapital hajmi esa 1,0% o’sdi. Daromaddagi mehnat hissasi 60%ni tashkil etadi. Iqtisodiy o’sishda ekstensiv va intensiv omillarining ulushini aniqlang.
   

* * *

4. 
   Iqtisodiyotda daromaddagi kapital hissasi 50%ni tashkil etadi. Boshlang’ich (dastlabki) kapital bilan ta’minlanganligi kapitalning 16 birligini tashkil qiladi, daromadning 25%i jamg’ariladi, kapitalxizmat qilishining o’rtacha muddati - 20 yil. Boshlang’ich va barqaror holatdagi bir ishchiga to’g’ri keladigan mehnat unumdorligini, iste’mol va investitsiya hajmini, hamda kapital bilan ta’minlanganlikning barqaror darajasini aniqlang.