X. N. Nazarov robotlar va robototexnik tizimlar

Sanoat robotini sozlashdagi asosiy operatsiyalar 
Robotlarning sozlovchisi bajaradigan asosiy operatsiyalarga quyidagilar 
kiradi: 

Sanoat robotini sozlash rejimiga tayyorlash; 

Sanoat roboti ishchi siklining o‘tishlar texnologik kartasini ishlab 
chiqish; 

Boshqarish qurilmasini tayyorlash va programmani yozish; 

---

144 

Sanoat roboti manipulyatorini avtomatik rejimda ishlashga tayyorlash. 
Sanoat robotini sozlash rejimiga tayyorlash. 
Oldindan ishlab chiqilgan rejalashtirish chizmasi bo‘yicha maxsus 
tayyorlanilgan maydonchaga manipulyator va boshqarish qurilmasi o‘rnatiladi. 
Ulash kabellari yordamida manipulyator va boshqarish qurilmasi 
birlashtiriladi va yerga ulanadi. Manipulyatorning ishchi zonasidan odamlarni va 
begona predmetlarni chiqarib yuborish kerak. Sanoat robotining turiga qarab 
manipulyatorni va boshqarish qurilmasini pnevmo, gidro yoki elektr tarmog‘iga 
ulash amalga oshiriladi. 
Xizmat qilinadigan jihozning joylashishiga qarab sanoat roboti 
manipulyatorining chiziqli va burchak siljishlarnin sozlash kerak. Keyin sozlash 
pultidan manipulyatorning hamma harakatlari tekshirib ko‘riladi, ixtiyoriy 
programma yoziladi va avtomatik rejimda sanoat roboti manipulyatori harakat sikli 
bajariladi. 
Sanoat roboti ishchi siklining o‘tishlar texnolgik kartasini ishlab 
chiqish. 
Siklli programmali boshqariladigan sanoat robotlari uchun ishlab chiqarish 
bo‘linmasida butun ish sikli alohida texnologik o‘tishlarga bo‘linadi: ishchi 
organning fazoda bir nuqtadan ikkinchi nuqtaga ko‘chishi; qisqichning qisilishi va 
ochilishi; komandalarni jihozga yuborish, kutish vaqti. O‘tishlarning jami ularning 
ketma–ket ishlashi tartibi bo‘yicha ishchi siklning texnolgik kartasiga yoziladi.