Toshkent farmasevtika instituti toksikologik kimyo kafedrasi

Miqdorini aniqlash: Fizik kimyoviy usullar yordamida amalga oshiriladi.


APOMORFIN
A pomorfin opiy va omnaponda uchramaydi, uni yuqori bosim ostida, xlorid kislota ishtirokida morfinni qizdirish yo‘li bilan olinadi.
Apomorfin suvda yomon, organik erituvchilarda esa oson eriydi. Uning suvli eritmasi ishqoriy muhitga ega. Kislotalar bilan suvda yaxshi eruvchi tuzlarini hosil qiladi. Tibbiyotda apomorfin gidroxlorid tuzi qo‘llaniladi. U oq yoki sarg‘ish rangli kukun, suvda (1:50), etil spirtda (1:50) atrofida eriydi. Oranik erituvchilardan efir, xloroformda erimaydi.
Apomorfin molekulasi juda ham beqaror, ikkita fenol gidroksili guruhini tutgani uchun tez oksidlanadi. Apomorfin havoda yoki birorta oksidlovchi modda ta’sirida ko‘kimtir qopa rangga o‘zgaradi va farmakologik ta’sirini yo‘qotadi. Bu xol biologik ob’ektni va apomorfin saqlovchi eritmani xloroform bilan ekstraksiyalash vaqtida ham yuz berishi mumkin. SHuning uchun ham sud kimyogarlari xloroform qavati ko‘k qoramtir rangga bo‘yalgan holda birinchi navbatda apomorfinga tekshirish olib borishi shart.
Apomorfinga tekshirish olib borish faqat sud organlarining kursatmalariga muvofiq bajariladi.
Apomorfin organik erituvchilar bilan kislotali va ishqoriy muhitda ekstraksiyalanadi.