Toshkent farmasevtika instituti toksikologik kimyo kafedrasi

Miqdorini aniqlash: UB spektri asosida 0,2 n sulfat kislotasidagi eritmasini spektrofotometrik usulda aniqlanadi.
GEROIN
G eroin ham dionin singari, opiy va omnapon tarkibida uchramaydi. Uni yarim sintezlab morfindan olinadi.
Geroin prizma holidagi rangsiz kristallardan iborat kukun modda. U suvda erimaydi, lekin organik erituvchilardan spirtda, efirda, xloroformda yaxshi eriydi. Kislotalar bilan tegishli tuzlarni hosil qiladi. Asos holdagi geroinning suyuqlanish harorati 173°C.
Toksikologik ahamiyati. Geroin juda ham kuchli zaharli modda, u organizmga xuddi morfin singari, lekin undan kuchliroq ta’sir etadi. Geroinning nafas olish markazini va sezuvchi nerv uchlarini falajlash kuchi morfinga qapaganda besh marta kuchli. Geroinni tez-tez qabul qilish juda xavfli, chunki unga o‘rganib qolib «morfinizm» kasalligiga duchor bo‘lib qolish mumkin. Geroin narkomaniyasidan xalos qilish morfindan qaytarishga qaraganda ancha qiyin, og‘riqli sindromi kuchli va qo‘rqinchli asoratlarga ega.
Geroin yuqorida aytganimizdek, salbiy xossalarga ega bo‘lgani uchun hozir tibbiyotda ishlatilmaydi.
Metobolizmi. Geroin ishqoriy sharoitda va organizmda juda tez gidrolizlanadi. Bunda tezda monoatsetil morfin va oxirida morfin hosil bo‘ladi. SHuning uchun ham geroin bilan zaharlangan hollarda ashyoviy dalil tarkibidan asosan monoatsetilmorfin va morfinni aniqlash mumkin.