Суд амалиётини умумлаштириш материаллари тўплами (кўчирмалар)

3. Агар шартномада айнан битта мажбуриятнинг бузилиши 
учун неустойкани ҳам жарима, ҳам пеня кўринишида тўлаш 
белгиланган бўлса, қонун ҳужжатларида бошқача ҳоллар на-
зарда тутилмаган бўлса, даъвогар фақатгина бир шаклдаги 
неустойка қўллашни талаб қилишга ҳақли.
«шифобахш тут» Фх хўжалик судига даъво аризаси билан му
-
рожаат қилиб, «HWASHEN BUKHARA Co. LTD» Қкдан 10 448 760 
сўм асосий қарз, 1 671 800 сўм пеня ва 1 567 314 сўм жарима, жами 
13 694 874 сўм ундиришни сўраган.
биринчи инстанция судининг ҳал қилув қарори билан даъво 
тўлиқ қаноатлантирилган.
апелляция инстанцияси судининг қарори билан ҳал қилув 
қарори ўзгаришсиз қолдирилган.
олий хўжалик суди пленумининг 2007 йил 15 июндаги 
«Мажбуриятларни бажармаганлик ёки лозим даражада бажар
-
маганлик учун мулкий жавобгарлик тўғрисидаги фуқаролик 
қонун ҳужжатларини қўллашнинг айрим масалалари ҳақида»ги 
163-сонли Қарори 3-бандида, агар шартномада айнан битта маж
-
буриятнинг бузилиши учун неустойкани ҳам жарима, ҳам пеня 
кўринишида тўлаш назарда тутилган бўлса, қонун ҳужжатларида 
бошқача ҳоллар назарда тутилмаган бўлса, даъвогар фақатгина 
бир шаклдаги неустойка қўллашни талаб қилишга ҳақли эканли
-
ги тўғрисида тушунтириш берилган.
иш ҳужжатларидан кўринишича, даъвогар ва жавобгар 
ўртасида 2008 йил 1 декабрь куни тут кўчати етказиб бериш 
тўғрисида шартнома тузилган ва унга асосан жами 10 448 760 
сўмлик тут кўчати етказиб берилган.

---

566
лекин, жавобгар томонидан шартнома мажбуриятлари лозим 
даражада бажарилмасдан, етказиб берилган маҳсулот ҳақи шарт-
номада белгиланган муддатларда тўлаб берилмаган. шу сабабли 
даъвогар судга мурожаат қилиб, жавобгардан 10 448 760 сўм асо
-
сий қарз, 1 671 800 сўм пеня ва 1 567 314 сўм жарима ундиришни 
сўраган.
судлар томонидан даъвогарнинг жавобгардан асосий қарз 
ва пеня ундириш тўғрисидаги талабини қаноатлантириш ҳақида 
асосли хулосага келинган. Чунки, шартноманинг 6.3-бандида 
маҳсулот ҳақини ўз вақтида бажармаганлик учун пеня ундириш 
белгиланган.
бироқ, судлар томонидан жавобгардан 1 567 314 сўм жарима 
ундириш тўғрисида нотўғри тўхтамга келинган.
шу боис кассация инстанцияси суди суд қарорларини ўзгар-
тириб, даъвогар фойдасига «HWASHEN BUKHARA Co. LTD» 
Қкдан 1 567 314 сўм жарима ундириш қисмини бекор қилиб, даъ
-
вонинг шу қисмини қаноатлантиришни рад қилган.