G. Q. Hasanova, Z. B. Jalilov

O‘quv va ishlab chiqarish amaliyotlari. O‘quv reja va fan dasturida ko‘zda tutilgan holda ishchi fan dasturining ushbu qismi yoritiladi. O‘quv va ishlab chiqarish amaliyotlarining maqsadi va vazifasi, shakli va mazmuni, u qaerda va qanday tartibda o‘tilishi, amaliyot jarayonida talabalar tomonidan tayyorlanishi zarur bo‘lgan yakuniy ishlar shakli yuzasidan zaruriy uslubiy ko‘rsatmalar beriladi.
Fan bo‘yicha talabalar bilimini nazorat qilish va baholash mezonlari. O‘quv fanining mazmuni va mohiyatidan kelib chiqib mashg‘ulotlar jarayoni va yakunida talabalar bilimini baholash mezonlari va nazorat tartibi ko‘rsatiladi. Baholash mezonlari fan dasturida belgilangan ushbu fan bo‘yicha talabalar egallashi zarur bo‘lgan bilim, ko‘nikma va malakalar asosida ishlab chiqiladi. Talabalar bilimini baholash va nazorat qilish tartibiga talabalar tomonildan bajariladigan mustaqil ishlar va vazifalar baholanishi tartibi ham kiritilishi lozim.
Asosiy va qo‘shimcha o‘quv adabiyotlar hamda axborot manbaalari. Fan dasturiga muvofiq foydalaniladigan asosiy darsliklar va o‘quv qo‘llanmalar hamda qo‘shimcha adabiyotlar ro‘yxati va axborot manbaalari beriladi. Ko‘rsatilgan o‘quv adabiyotlar oliy ta’lim muassasasining axborot-resurs markazida mavjud bo‘lishi shart.
Ishchi fan dasturining matni fan dasturi matniga qo‘yilgan talablarga muvofiq bostirib chiqariladi.
Fan dasturi va ishchi fan dasturini rasmiylashtirish, tarqatish va saqlash uchun A5 formatidagi “kitobcha” shaklida bostirib chiqarish lozim.
Fan dasturi va ishchi fan dasturi ilmiy-uslubiy va o‘quv-uslubiy ish maqomiga ega bo‘lib, uning tuzuvchilari mualliflik huquqiga ega.
Tartibga o‘zgartirish, qo‘shimchalar kiritish va bekor qilish Vazirlikning buyrug‘i asosida amalga oshiriladi.
Mavzuni takrorlash va mustahkamlash uchun savollar hamda topshiriqlar:

1. 
   O‘quv reja fanlari bloklari mazmuniga qo‘yiladigan umumny talablar
   
2. 
   Ixtisoslik fanlari haqida ma’lumot bering.
   
3. 
   O‘quv rejasi va uning tarkibiy tuzilishini aytib bering.
   
4. 
   Maktabgacha ta’lim bakalavr ishchi o‘quv rejasini ishlab chiqing.
   
5. 
   Fan dasturi va unga qo‘yiladigan talablarni ayting.
   
6. 
   Mutaxassislik fanlardan ishchi fan dasturini ishlab chiqing.
   
7. 
   Maktabgacha pedagogika fanidan taqvimiy reja ishlab chiqing.