G. Q. Hasanova, Z. B. Jalilov

Fanning ishchi o‘quv dasturi
Ta’lim jarayonini bevosita joylarda maqsadli tashkil qilish va mashg‘ulotlarni tizimli tartibga solish maqsadida fan dasturi asosida fanning ishchi o‘quv dasturi (keyingi o‘rinlarda “ishchi fan dasturi” deb yuritiladi) ishlab chiqiladi.
Ishchi fan dasturlari oliy ta’lim muassasalari tomonidan har bir o‘quv yili uchun ishlab chiqiladi va oliy ta’lim muassasasining Kengashi qarori bilan tasdiqlanadi.
Ishchi fan dasturi quyidagi tarkibiy qismlardan iborat:

• 
  fan dasturining titul varag‘i va uning sirt tarafidagi ma’lumotlar;
  
• 
  o‘quv fani o‘qitilishi bo‘yicha uslubiy ko‘rsatmalar;
  
• 
  ma’ruza mashg‘ulotlari;
  
• 
  amaliyot, seminar va laboratoriya mashg‘ulotlari;
  
• 
  mustaqil ta’lim va mustaqil ishlar;
  
• 
  o‘quv va ishlab chiqarish amaliyotlari;
  
• 
  fan bo‘yicha talabalar bilimini nazorat qilish va baholash mezonlari;
  
• 
  asosiy darslik va o‘quv qo‘llanmalar, qo‘shimcha adabiyotlar va boshqa axborot manbaalari ro‘yxati.
  

Ishchi fan dasturining titul varag‘ida vazirlik nomi, oliy ta’lim muassasasi nomi, Oliy ta’lim yo‘nalishlari va mutaxassisliklari klassifikatoriga muvofiq tegishli ta’lim sohasi, ta’lim yo‘nalishi (mutaxassislik)larining shifri va nomlari, o‘quv rejaga muvofiq fanning to‘liq nomi, tasdiqlangan sanasi va belgilari (muhr), fanga ajratilgan umumiy hamda semestrlar va mashg‘ulotlar kesimida soatlar hajmi ko‘rsatiladi.
Ishchi fan dasturi titul varag‘ining sirtki tarafida unga asos bo‘lgan fan dasturi tasdiqlangan vazirlik buyrug‘i, uni tasdiqlagan Oliy ta’lim muassasasi Kengashi bayonining soni va sanasi, ishchi fan dasturining tuzuvchilari ismi, familiyasi, lavozimi, ilmiy daraja va unvonlari, taqrizchilar ismi, familiyasi, ish joyi, lavozimi, ilmiy daraja va unvonlari, oliy ta’lim muassasasining tegishli fakulьteti dekani va kafedra mudiri imzolari o‘z aksini topishi lozim.