Vzu. Shaxs sug’urtasining mohiyati, ro’li va vazifalari. Shaxs sug’urtasi shartnomalarining o’ziga xosligi

1-ma’vzu. Shaxs sug’urtasining mohiyati, ro’li va vazifalari. Shaxs sug’urtasi shartnomalarining o’ziga xosligi.

O‘rganilayotgan sug‘urta turlarining mohiyatini, tushunchalarini bilmasdan turib ularning aktuar hisoblarini amalga oshirib bo‘lmaydi.

Shaxs sug‘urtasida ham uning mohiyatini tushuntirish uchun kerak bo‘ladigan sug‘urta munosabatlari va unda ishtirok etuvchilar haqida qisqacha ma’lumot beramiz. Shaxs sug‘urtasi – bu inson hayotiga, sog‘lig‘iga va mehnatga layoqatligiga xavf soluvchi risklardan sug‘urta himoyasini taqdim etuvchi sug‘urta turlarining sistemasi (majmuasi).

Shaxs sug‘urtasining ob’ekti sug‘urtalanuvchining yoki sug‘urtalangan shaxsning hayoti, sog‘lig‘i, mehnatga layoqatligi va nafaqa ta’minoti bilan bog‘liq mulkiy qiziqishlaridir. Shuning uchun u hayot sug‘urtasi, tibbiy sug‘urta va baxtsiz hodisalardan sug‘urta turlariga ajratiladi. Shaxs sug‘urtasi sug‘urtaga olinganning o‘z mablag‘i hisobidan – individual sug‘urta, yoki o‘z ishchilari uchun ish beruvchining hisobidan – kollektiv sug‘urta shaklida bo‘lishi mumkin. Shaxs sug‘urtasi majburiy va ixtiyoriy xarakterda bo‘ladi. Shaxs sug‘urtasi shartnomaning muddatiga qarab qisqa (1 yildan kam), o‘rtacha (1 yildan 5 yilgacha) va uzoq (6 yildan 20 yilgacha) muddatli bo‘ladi, bunda shartnoma muddatini qo‘shganda sug‘urtalanuvchining yoshi 80 dan oshmasligi kerak. Uzoq muddatli shartnomalar asosan hayot sug‘urtasida ichraydi. Shuning uchun hayot sug‘urtasi mohiyati jihatidan bank qo‘yilmalariga o‘xshab jamg‘arma xarakteriga ega.