Vzu. Shaxs sug’urtasining mohiyati, ro’li va vazifalari. Shaxs sug’urtasi shartnomalarining o’ziga xosligi

Shaxs sug‘urtasining o‘ziga xosligi.

Hayot sug‘urtasining barcha shartnomalari bo‘yicha sug‘urta hodisasi ro‘y berganda, boshqa manbaalardan olgan yordami, ta’minoti va ularning miqdoriga bog‘liqsiz ravishda sug‘urta to‘lovlari to‘liq miqdorda to‘lanadi.

Hayot sug‘urtasi shartnomalari shartlarida sug‘urta summalarini, ta’rif stavkalarini, sug‘urta zahiralarini shakllantirishda, bu sug‘urta turini olib borishda, moliyaviy natijalarida boshqa sug‘urta turlaridan keskin farq qiladi.

5.2. Hayot sug‘urtasi. Uning farqli belgilari va turlari.

Hayot sug‘urtasi – shaxs sug‘urtasi turlarining majmuasi bo‘lib, sug‘urtachiga

1. 
   sug‘urtaga olinuvchining sug‘urta muddati oxirigacha yoki shartnomada belgilangan yoshgacha yashaganda;
   
2. 
   sug‘urtaga olinuvchining o‘limida
   

to‘lovni amalga oshirish majburiyatini nazarda tutadi.

Hayot sug‘urtasining farqli belgilari:

1. 
   Hayot sug‘urtasida sug‘urta riskining tahlili ta’rif stavkasini hisoblash usuli “o‘lim jadvaliga” asoslanadi.
   
2. 
   Sug‘urtalanuvchining kutilayotgan umr davomiyligining uzoq muddatli bashoratini qilish ta’rif stavkasini hisoblashning asosini tashkil etadi.
   
3. 
   Hayot sug‘urtasida sug‘urta zahiralarini shakllantirish muayyan shartnoma bo‘yicha shartnoma muddati davrida (10, 15 va undan ortiq yillar) amalga oshiriladi.
   
4. 
   Sug‘urta zahiralarini jamg‘arish uzoq muddatli bo‘lgani uchun sug‘urtachiga bo‘sh mablag‘larni investitsiya qilish imkoniyatini beradi.
   
5. 
   Hayot sug‘urtasida shartnomalar bo‘yicha ta’rif stavkasini hisoblashda daromad miqdorini foiz ko‘rinishida hisoblashni nazarda tutiladi.
   
6. 
   Hayot sug‘urtasi shartnomalari uzoq muddali shartnomalardir.
   
7. 
   Sug‘urta to‘lovining qiymati zararni qoplash emas oldindan kelishilgan aniq miqdor bo‘ladi. Bunda sug‘urta summasi faqat sug‘urtalanuvchining hohishi va moliyaviy imkoniyatiga qarab belgilanadi.
   
8. 
   Sug‘urtachi sug‘urta hodisasi narxini va ehtimolini oldindan biladi, faqat sug‘urta hodisasining ro‘y berish muddatini bilmaydi.