Ворислик ҳУҚУҚи амалий қўлланма Baktria press

Тақдим қилиш ҳуқуқи бўйича ворислик 
қонун бўйича меросхўр мерос очилгунча 
қадар вафот этган тақдирда унга тегишли 
улуши унинг авлодларига ўтишини 
назарда тутади.
Р.Каримов ва М.Нажмиддиновалар жавобгар М.Каримовга нисбатан 
судга даъво ариза билан мурожаат қилиб, низоли турар жой отаси 

---

171
К.Ахмедовга тегишли бўлганлигини, у 1989 йилда вафот этганлигини 
кўрсатиб, меросни қабул қилиш муддатини тиклаб уларни меросхўр 
деб топиб, уй-жойни бўлиб беришни сўраганлар.
Жавобгар М.Каримов судда қарши даъво ариза қўзғатиб, отаси 
Р.Каримов 1999 йил вафот этганлигини, бобосидан қолган низоли уйга 
уни ҳам меросхўр деб топишни сўраган.
Фуқаролик ишлари бўйича туманлараро судининг 2001 йил 
16 мартдаги ҳал қилув қарори билан даъвогарларнинг даъвоси 
қаноатлантирилган. Умумий даъво муддати тикланиб, Рахим, Рофе, 
Даврон Каримовлар ва М.Нажмиддиновалар низоли уйга нисбатан тенг 
улушли меросхўр деб топилганлар. М.Каримов отаси Р.Каримовнинг 
вориси деб топилган.
Рахим, Даврон Каримовлар ва М.Нажмиддинованинг ҳар бирига 
485.775 сўмдан мерос ҳиссаси белгиланган. Низоли уй-жой Д.Каримов 
ва М.Каримовга қолдирилган.
Апелляция инстанциясининг 2002 йил 7 майдаги ажрими билан 
туманлараро судининг ҳал қилув қарори бекор қилиниб, иш бўйича 
янги ҳал қилув қарори қабул қилинган. Унга кўра низоли уй тарафлар 
ўртасида асл ҳолида тақсимланган, ҳал қилув қарорининг қолган 
қисми ўзгаришсиз қолдирилган.
Туманлараро судининг 2004 йил 16 январдаги ажрими билан 
туманлараро судининг 2001 йил 16 мартдаги ҳал қилув қарори янги 
очилган ҳолат бўйича бекор қилинган.
Апелляция инстанциясининг 2004 йил 2 майдаги ажрими билан 
туманлараро судининг 2001 йил 16 мартдаги ҳал қилув қарори ва 
вилоят суди апелляция инстанциясининг 2002 йил 7 майдаги ажрими 
янги очилган ҳолат бўйича бекор қилиниб иш юритишдан тугатилган.
Олий суд фуқаролик ишлари бўйича судлов ҳайъатининг 2004 
йил 9 августдаги ажрими билан низо юзасидан чиқарилган барча 
суд қарорлари қуйидаги асосларга кўра бекор қилиниб, ишни янгидан 
кўриш учун биринчи инстанция судига юборилган.
Ўзбекистон Республикаси ФПКнинг 15-моддасига кўра суд тақдим 
этилган материал ва тушунтиришлар билан чекланмасдан ишнинг 
ҳақиқий ҳолатини, тарафларнинг ҳуқуқ ва мажбуриятларини ҳар 
тарафлама, тўлиқ ва холисона аниқлаш учун қонунга асосланган 
ҳолда чоралар кўришга ҳақли.

---