Режа: Дарё транспорти ҳақида маълумот

Дарё транспортини ривожлантириш муаммолари.
Режа:

1. 
   Дарё транспорти ҳақида маълумот.
   
2. 
   Дарё транспорти соҳасига оид норматив-ҳуқуқий ҳужжатлар рўйҳати.
   
3. 
   Дарё транспорти бўлими ўзига юклатилган вазифалар.
   

Юк ва пассажирларни дарё транспортида ташишни таъминлаш учун унинг моддий-техника базасини жиддий равишда ривожлантиришга катта аҳамият беришликни тақозо этади. Амударё сув йўлларида кемалар қатнови муддатларини узайтириш билан бирга, мақсадга мувофиқ деб топилган жойларда юклар ташишни автомобиль ва темир йўл транспортидан Амударё транспортига мумкин қадар кўпроқ ўтказиш зарур.
Амударё портларининг(МДҲ давлатлари билан бирга) юк қабул қилиш ва жўнатиш қобилиятини ошириш, Орол денгизи сув ҳавзасини Ҳазар(Каспий) денгизи ортиқча суви ҳисобиги тиклашни назарда тутиб Амударё флотини оғир юк кўтарадиган "дарё-денгиз" деб номланган аралаш кемалар, шатак кемалар, кўп юк кўтара оладиган баржалар, муз ёрарлар ва яхши жиҳозланган шинам пассажир ташувчи кемалар билан тўлдириш ва кема таъмири заводларини ривожлантириш ҳам узоқ келажак ечимларига киради.
Дарё транспортида ташилувчи юклар номенклатурасини кўпайтириш, уларни ташишда енгилликлар яратиш ва ташиш иқтисодиётини яхшилаш учун ихтисослаштирилган ва махсус кемалар билан флотни тўлдириш ҳам узоқ келажак ечимларига киради.
Моварауннаҳр минтақаси ягона сув йўлларини ташкил этиш Марказий Осиё ва қўшни Афғонистон давлатлари учун муҳим аҳамиятга эгадир. Чунки бунда Ҳазар денгизига чиқувчи сув йўлларини ташкил этиш "дарё-денгиз" деб номланган ташиш тизимини яратиш имконини яратиб беради. Бу муаммонинг ҳал этилиши Россиянинг Европа қисми орқали ғарб мамлакатлари билан энг арзон сув йўли орқали боғланиш имкониятини беради.
Амударё транспортида ҳаракат тезлигини оширишга алоҳида эътибор берилиши керак, чунки ҳозирга қадар Амударё транспортидаги ҳаракат тезлиги ниҳоятда кичик. Бу масалани ҳал қилишда сув ости қанотли кемалардан фойдаланишнинг аҳамияти катта. Жаҳон тажрибасига кўра дарё транспортида ҳаракат тезлигини сув ости қанотли кемалар қўлланиши ҳисобига 85…105 км/соат га етказиш мумкин.
Амударё сув йўналиши бўйича МДҲ ва қўшни Афғонистон давлатлари порт ва бекатларини ривожлантириш, ундаги юк ишларини комплекс механизағиялаш ҳам катта аҳамиятга эга бўлган муаммолардандир.